رد: تمهل رويدك
دام التغلي ميزة من مواريك = الخوف والله من كثير التغــــــلي
مالله على كثر التغلي بحاديك = دامي بشر بخطي وابنسى وازلي
لاتبيع منهو بالمكانين شاريك = يقفي عن الباقين ويقول خلــــي
ويفز قلبه كل ماحل طاريـــك = حبك على نبض الخفوق متولي
في كل نبضه في خفوقه يناديك = وان غبت مايرتاح حتى تحلي
يطرب على نغمة هواك ومعانيك = ويموت من كثر الجفا والتولي
ايزعلك مره على شان يرضيك = ويخاف من زود السعاده تملي
ويبعثرك لحظات ويرد يطويك = ويقول لك يابعد ربعي وكلــــي
ان كان قصدك برد قربي يدفيك = وان كان قصدك حر بصير ظلي
لاتحسب اني لو تناسيت ناسيك = والعالم الله دمع عيني يهــــــلي
لو قلت مقفي والله اني ماخليك = سكنت في روحي ودقي وجلي
وغرقت في بحرك قبالة شواطيك = وامواج مدك مع غرامك تصلي
اما هلكت وموتتي في موانيك = شهيد حب وشوفكم ! ماحصلي
والا حييت؟ بلمسة من اياديك = كني على مزن السحاب متعلي
(يكفيني غـلاها)
|