منتديات قبيلة المهيمزات الرسمي - عرض مشاركة واحدة

اوسمتي · 31-Aug-2012, 11:59 PM

[frame="7 10"]
عايض الرشيدي

سلام ومرحبا جايز وأنا واحد من أهل الدار**=امشيها على كيفي جنوبيه شماليه
تعال اقرب هنيا يابن حاضر واسمع الاخبار=**ولا ابغى منك عاريّه ولا معطيك عاريّه

خاتم الرشيدي

هلا يامرحبا ياللي تسلم وسلام اشعار=**على كيفك توردها وتصدرها سماويه
اناجيتك حسب دعواك هات لعلم يابيطار**=على الميدان ياعايض نبيها اخبار ناريه

عايض الرشيدي

تخيّر بالطريق اللي يليق ايمين وإلا ايسار**=مرادف نيتك نيّه لو انك تحسن النيّه

اذا حظك رقابك للسماء مابين نجم ونار=**واذا حظك نزل بك بين ذيب وبين جنيّه

خاتم الرشيدي

انا ابغا العلم والاخبار لكن راسك اللي دار**=ونا صافي مع الصافي ولكن وش باياديه
علومك عكرت جوي وانا من قبلها محتار=ا**شوف الوضع متوتر وشوف الناس قوميه

عايض الرشيدي

تعداك المنايا وأنت يمك تلفت الأنظار=**وأنا ما ارضا عليك تنام بين الداب والحيه

لو انه مابقالك ياجحا بالمنطقه مسمار**=طبيعتك القديمه تخلط الحسنه مع السيه

خاتم الرشيدي

تعداك العيوب ويسلمك ربي من الاخطار=**انا مطلب منك فزعه ولابغى منك شبريه
وهاذي حالة الشاطر ويبقى للخبر سبار**=نظرك يغير الوجهه ونظرت غيرك الحيه

[/frame]