المشاركة الأصلية كتبت بواسطة عودة الماضي

تحية طيبه تليق بمقامكم الأصيل

هذه مشاركتي الأولى في عالم النت ولا أستغني عن توجيهاتكم


[poem=font="arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا ظرف عثتبنا وزعلنا الأصحاب=وكلٍ على ظنه تنحت ركابه
يا ظرف قفيت المشاريه بعتاب=واليوم مالك دعوةٍ مستجابة
أنا قصيتك وأنت ياظرف كذاب=تفرح عليّ مدورين الطلابة
خليتني في سبق الوقت مخلاب=ماله من السطوة سوات الخلابة
فلّت بيديني من الريش مقضاب=وقطعت رجوى اللي حصيلة قضابة
ومن يوم غاب اللي عن البال ما غاب=وأنا دروبي في عيوني تشابه
ما عاد يطربني على الوتر زرياب=ولا عاد يغريني جمال وذرابة
يا ظرف لمتنا تسيد بها غياب=وكلٍ تزاين في عيونه غيابه
من يأسي ورجواي خايف ومرتاب=من فيهم اللي حاسبٍ لي حسابه؟
كني على باب المناشيد بواب=أخشى سؤالٍ ما بعد فك بابه
أخاف من عفويةٍ مالها أطناب=تبعث سؤالٍ ما يناسب جوابه!
[/poem]