رد: ماعشقت من الرجال الإ ثـلاثه ابــوي وظـله وعــكس مرآيته
تدري وش اكبر صدمتن تنصدمها=لا حتجت لك غالي وقـام يتصـدد
علاقـة العشـره بلحظـه هدمهـا=من شان حاجـه للمفـارق تهـدد
وكانه ندم .. مافاد نـاسٍ ندمهـا=مافات مات .. ولا يفيد ان تـودد
جعله فـدا نـاسٍ مواطـي قدمهـا=تسوالهـا ديـره وحكـمٍ مـشـدد
ناسٍ تساوت روسها مـع خدمهـا=زمانهـا راحـت عليـه وتـجـدد
اطلال صارت .. جاء زمان وردمها=حتـى مكـان اطلالهـا مايتحـدد
وجودها ماهـوب يشبـه عدمهـا=على الاقـل اليـا عطـت ماتـردد
ماهيب مثل اللي ربوعـه صدمهـا=لاجاه فـي حاجـه رفيقـه تصـدد
|