نشدني صديق قال حبك و رى ما بان
ورى في الغزل ما لك بيوتٍ مسويها
ولا لك غزل يالقرم بسم الله الرحمن
وراك انت ما تذكر هنوفٍ مهاويها
و أنا أقول قلب ما يحب الهوى غلطان
و أبشرك و الله من هنوفٍ مصافيها
و بأعلمك و أنته تعوذ من الشيطان
دام النشامى تستمعني بأذانيها
أنا حب لي حب تولع بها العربان
عيال النشامى اللي طوال يمانيها
أحب الرجولة و الرجولة لها سيسان
ترى ساسها لا طاب يرسي و يرسيها
وأحب الكرم و أهل الكرم و الكريم معان
كريم و نفسة للمواجيب مصخيها
وأحب أشتري عود أزرق من الدكان
وأطيب رجال سيرت لي و أقهويها
وأحب الدلال الصفر من صنعة الرسلان
إليا دارت المجلس و ما جوبها فيها
وأحب الحرار اللي لها فالعشى برهان
تقضض على جول الحباري و تدميها
وأحب الحصان اللي سبق و الحصان حصان
وأحب الذلول اللي تقدم براعيها
حسينت حلايا ما لها في الحلال أثمان
خطات الأصيل إليا فرحت وجه قانيها
وأحب الجيوش إليا رزمت داخل الميدان
إليا قادها القايد و هرول يباريها
وأحب الصحاري خص لا شبعت الحيران
لا بكر الوسمي و زانت مراعيها
وأحب الحلال إليا أنتشر داخل الصمان
قطاعين ذود و المواتر بتاليها
وأحب البيوت اللي تظلل بها البدوان
عيال الجزيرة ساكنين براضيها
وأحب الخيال المدلهم لنهمر ودان
وأحب الفياض اللي تناسف علاويها
وأحب أهزع رجلي و أشرف على الجيران
وأمد النظر فاللي عسى المزن يسقيها
وأحب الجيوب اللي تمرهد مع الخليان
تعانق طيور الجو تمشي مماشيها
وأحب الرفيق اللي فوقت الشدايد بان
رفيق الرفيق و رفقته ما يخليها
وأحب الخوي اللي تجي كلمته ميزان
وزن كلمته لأجل الرجاجيل تغليها
وأحب القصيد اللي يحكم على القيفان
وأحب الصفوف اليا أستوت قدم واليها
وأحب السوالف واتسمع من الشيبان
أليا وردوها بيضت وجه راويها
وأحب المثايل لا ضربها مثل راكان
و أحب العلوم الطيبه و أفتخر فيها
وأحب القصير اللي يبين لك الصفطان
مثل جيره كل المخاليق تطريها
وهي قصرت محمد اليا عدت الجيران
له قصره ما جالها اللي يحاليها
حياه المهادي للمفرج جمل زومان
زحول الرجال اللي بقى ذكر ماضيها
وأحب الهنوف اللي لها في الحشى مسكان
فتاةٍ على السنه عزاز مواطيها
ستيره و لا تحرص على فتحت البيبان
ولا تلتفت للي يبي يلتفت فيها
وخير المناوي كلها طاعت الرحمن
لوا هني اللي صلاته مصليها

شاعر الوصف / مرير الحبيل