منتديات قبيلة المهيمزات الرسمي - عرض مشاركة واحدة

اوسمتي · 17-Nov-2012, 05:34 PM

ناصر مرسال الخياري وشاهر العنزي
ناصر مرسال

الليله الميدان حامي حامي=
واللي يريده يعترض قدامي
مانى بلاجايع ولاني ضامي=
والضلع راسي والسما من فوقه
من يشيل الجبال ومن يصد الرياح=الرياح اقبلت والناس قدامها

يالشاعر اللي جيتنا متعني=
معندنا الا الهيلي هو والبني
والا انت كفك بالدما متحني=
والضلع راسي والسما من فوقه
كان شاهر ولد دالش يعرف السلاح=لا يرجع قفوشه داخل احزامها
شاهر العنزي:
.....يالعميل الطيب=
لاتحسب انك شبيه احبيب
دقنك الليله لزوم يشيب=
والضلع راسي والسما من فوقه
طير ياطير ياللي في جنوبك جناح=الصحافه تراها جابت اقلامها

خصمك الليله يسمى شاهر=
واعرف انه يالرشيدي ماهر
علتك من مكتبك الساهر=
والضلع راسي والسما من فوقه
عارفين السلاح وعارفين الرماح=يوم بعض العرب ماتثبت اعضامها

ناصر المرسال:

ماني حبيب ناصر المرسالي=
امنوخ الاول بجب التالي
زلزل بكم ياهل البلد زلزالي=
والضلع راسي والسما من فوقه
اشرب البحر الاحمر لو مذاقه ملاح= كل حوته يبي يصدمك صدامها

يامحسن المبدا وزين النيه=
انا اعرف انك من رجال حيه
لكن لاتلمسك نياب الحيه=
والضلع راسي والسما من فوقه
طيعني واشرب الجم الزلال القراح=اترك اللي يخش الدود باعظامها

شاهرالعنزي:

اعرفك ليا ثلاث اسنيني=
واحمد الله طحت في يديني
التعامل كاش ماهو ديني=
الضلع راسي والسما من فوقه
اطلبو للرشيدي يالحضور الصلاح=قالو ام اليتامى ضاعت ايتامها

انت شاعر مانسد بدورك=
لكن انه البلى في شورك
تالي الايامي بان احدورك=
والضلع راسي والسما من فوقه
شد حيلك وهذا الليل مهنا مراح=ملعبتنا تراها قايم اقيامها

ناصر المرسال:

ان كان عندك شي هاته هاته=
ترا الوفا ماغلقت حزاته
والشيخ شاهر ياكثر حسناته=
والضلع راسي والسما من فوقه
انت ياطير اخبرك من طيور الفلاح=ريشها فوقها مايستر اجسامها

وانته بعد شاعر ومابغى اسبك=
حيثن كلن في البلاد يحبك
لكن تب قدام تلقى ربك=
والضلع راسي والسما من فوقه
ازعجونا طويلين الوحي بالصياح=حسبي الله على من سير اقدامها

شاهر العنزي:

كب عنك الغش في هرجاتك=
عارفن سياتك او حسناتك
انت تبغي الزود لكن فاتك =
والضلع راسي والسما من فوقه
اعرف انى بهذا العام شلت الوشاح=واصبر شوي ثم احطم ارقامها

فات عمرك ماكسبت الكاسي=
العلم هذا عند كل الناسي
واعرف انك ماتحمل باسي=
الضلع راسي والسما من فوقه
لو تكافح لك الله مايفيد الكفاح=رح مع الطقطقي وانعم في انعامها

ناصر مرسال:

عز الله ان الغش ماهو عندي=
مير انت ياشاهر رجل متفندي
مأشك بالبنقالي وبالهندي=
والضلع راسي والسما من فوقه
الفقارا تمدح بالمسا والصباح=لكن الاغنيا يامكثر اخصامها

ياشين انا معروفي مانى هين=
لكن مبغي الا الكلام البين
والا انت لعيون العرب تتزين=
والضلع راسي والسما من فوقه
ويش رايك تروح وتلعب امضيمضاح=خل بنت الهوا اللي حضروا اعمامها

شاهرالعنزي:

....سمعتم ياعرب وشغالي=
هندي الرجالى او بنغالي
رح في حالك سيبني في حالي=
والضلع راسي والسما من فوقه
الرشيدي اضنه فيه قلة نصاح=راحت الهند والبنقال فاحلامها

..........................
.................
..والضلع راسي والسما من فوقه=
قدر الناس قبل اقول سيد الملاح=تذبح الناس يالجوادي فازمامها

ناصر المرسال:

عمرك قضى كله بجنب الفاطر=
اللي لبنها مايسر الخاطر
واليوم ياشاهر بلشت بناصر=
والضلع راسي والسما من فوقه
دام هذي علومك دور الارتياح=واترك الدوله الى رزت اعلامها