أعضاء وزوار منتدى المهيمزات يسرني أن أقدم الكم هذه القصيدة عن حسن الحلق
صاحب الخلق الرفيع أفضل عباد الله رسوله=قال يجلس قربي أحسنكم خلق يوم القيامة
حثنا الحسن الخلق والمفترض نعمل بقوله=قال يالمسلم ترى الأخلاق ساس الإستقامة
من جعله الله جبله فيه سابقتٍ خيوله=في رضى ربه وبالجنة وللرسل انضمامة
وعاش بالدنيا سعيد ومنزلا ربه قبوله=في قلوب الناس له حبه وقدره واحترامة
ومن زرعه بصدره ونماه مثمرةٍ حقوله=حاصدٍ منه السعادة والفرح والإبتسامة
ماهو الا نور له بالدرب ويعطر فعوله=شايفة نورا على وجهه وتسمعه بكلامه
والأمور الكائدة بالحلم ياخذها بسهوله=لين قول وروعة اسلوب وسعة صدر وفهامة
وفاقده لو هو غني المال وتشرفه أصوله=ما لقاء الترحيب ربع اللي القاه من الملامة
والفقير اللي تحلا فيه لا سمعوا وصوله=رحبوا في جيته وإن راح يرفع من مقامة
والنفوس اللي تسلح به من الكره مغسوله=والقلوب من الحسد والحقد مافيها علامة
للبشر مثل المطر للإرض تحيا من سيوله=ومثلها لو ينقطع تموت الأمة بأن عدامه
قل تالي وقتنا مثل المطر شح بنزوله=وكثرة الأزمات بالعالم ويالله السلامة
شعر : المتعمق