02-Jun-2013, 03:49 AM
|
#1
|
شاعر
بيانات اضافيه [
+
]
|
رقم العضوية : 35
|
تاريخ التسجيل : May 2008
|
أخر زيارة : 12-Nov-2019 (04:59 PM)
|
المشاركات :
221 [
+
] |
التقييم : 11
|
|
لوني المفضل : Cadetblue
|
|
لا هبهب السافي وحر اللواهيب ... ماينفع الماشي كثير الخطاوي ..!
.
.
.
بعد السلام ..
أبدأ .. بنظم الكلام ..
وترتيبه ورصفه .. وإعرابه وصرفه ..
.
.
قصيدة مُتواضعة ..
نظمتُها وعلى عُجالة ..
مؤازرةٍ ..
لـِ بكر الرشيدي ورِفاقه ..
.
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاهبهب .. السافي وحر اللواهيب = ماينفع.. الماشي كثير الخطاوي
ولا هاضت .. غلاظ الجروح المعاطيب = دوّر .. على طب الطبيب المداوي
دوّر.. ذراك اليا أدركّتك المشاهيب = مالك .. ومال مقربين الحراوي
ما تتعب .. الرمضا ملاس العراقيب = الا لمن .. ربعه سوات الحداوي
ولا تجفل .. الناقة بشوف المشاعيب = الا ليا .. كب المراح الشواوي
والشعر .. وأن جمّل وجيه الرعابيب = ماحط .. قدر المعتلي و النداوي
للشعر لذة .. لا أتجه للغواليب = أهل الظفر .. ومرددين العزاوي
عبسان .. لا ماتت فعول الأشانيب = تطنّخ .. وتجلي كايدات البلاوي
أهل .. الصخا ومكثرين المواجيب = سمح .. الوجيه مزبنين الجلاوي
قوماً .. ليّا قامت تفك المناشيب = لامن .. تساوى حلمها بالمناوي
ياعبس .. شفنا بالزمان التعاجيب = يوم.. أختلط كبر الخطأ بالدعاوي
بكر الرشيدي .. طوّعته المناكيب = و أقفت مغاتيره .. و صار الشقاوي
ضاقت عليه.. و غربلته المصاعيب = و أضحى .. يبدد ضيقته بالرجاوي
همه .. تناهى بالظلوع المحاديب = والحزنِ .. دكه و الكدر بالتساوي
جاكم يدوّر .. ضيفته يالمعازيب = ما دوّر .. الضحكه وكثر الحكاوي
أما تلبّون .. الفدا و المطاليب = و يبّدل .. الظلمه بشمس الضحاوي
والا تلقو .. شرهته يالأصاحيب = لامنها .. ضاعت جميع الهقاوي
[/poem]
.
.
أخيراً ..
أدعوا ..
رب الأرباب .. وقاهرِ الأحزاب ..
أن يَفُك أسره .. وأن يُعجِل لهُ بالفَرج ..
.
|
|
أبيات التوقيع .. قابله للتغيير من حينٍ لأخر
جٌل الأبيات المعروضة .. من بنات أفكاري
أنتظرتك والليالي .. تودي ماتجيب = وأنتخيت الحظ .. والحظ مابه مرجله
ياوسيع العرف .. وأن كان بك شكٍ وريب = أترك القلب المُعنى .. وحاذر تشغله
فهد بن ناوي المهيمزي
|