العيون اللي سقني سم ساعه
سمها بالقلب مايبرا صويبه
مــاتطلعها الاطـبا والاشاعــه
ماتطلع نظرت الطالب طليبه
مايبن لـويحـلـل بالزراعــه
صعب تحليله وتحديده صعيبه
مايبن للمذيع بحرف اذاعه
بلش واحتار المشير بها تعيبه
علتن ماتنقرا بلوحة نزاعـه
مايحدد قلب في وسطه لهيبه
قلبن اقشر والبلا حب الولاعه
لوشكى من وقته الاقشر يجيبه
حب من عينه يصوبني شعاعه
نظرت الاعيان ملزومن تصيـبـه
وابتليت بحبها ماهو طماعـه
ربي اللي حطني بدنيا عجيبه
للشاعر
حسين بن عليثة المهيمزي
ابو عبدالله