الطيب لأهل الطيب
قصيدة موجهة للشيخ زايد ال نهيان رحمة الله ولم تصله ولكن العوض بعياله
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله من قلب(ن)عوى عوية الذيب=بأرض(ن)ونسها معطبات الأهاوي
عندي علوم(ن)تخلف العقل وتريب=ماهي علوم مضيعين الهقاوي
وعسرالمعاني للنشامى تجاريب=وأنا على أمواج البحور متساوي
والطيب لأهل الطيب غلاب ومصيب=مثل الرعد والبرق لاجاك ضاوي
والعدل ميزانه يصفي المشاريب=والعلم يقنع مكثرين الدعاوي
والجرح لامنه مشى دود مايطيب=إلا بحكم الله طبيب المداوي
ولا كل من يقرأ الأدب ينقدالعيب=وكل(ن)ورا مشهات نفسه شقاوي
والكذب عادة شاذبين العراقيب=وفعل الردى ميراث خبل(ن) لعاوي
يقولها من جرب الوقت تجريب=خصمه عليه الذيب بالليل عاوي
يقولها ابن عني عطب المضاريب=لاجا نهار(ن) به صياح وعزاوي
وحنا بشر نومن ولانرجم الغيب=وعلم الصحيح يبين مثل النداوي
ماقلتها من شان زود المكاسيب=لكن من ظروف الزمن والبلاوي
يستوعب الفاهم بحامي اللواهيب=ومن حسب بنجوم السماء والخلاوي
ولزايد النهيان صغت المكاتيب=أنا دخيلك يالشجاع الرهاوي
ياشيخ حطوا بي سواد وعذاريب=عدوان رب البيت ملحد وغاوي
ويوم اشتكينا كذبونا المعازيب=وطبعت قراراتي ولا فيه قاوي
وأنا بجاهك عن حمار المشاهيب=عن كيت(ن) بلسان خبل(ن)لغاوي
وأنت سندها ياعريب المجاذيب=ياللي على الجمعين تامر و تاوي
ولا أطاوع الشيطان لأمرالله مجيب=ولأيات رب البيت حافظ وراوي
تمت وأسلم عد وافي التراحيب=ومن حج بيت الله على الخير ناوي
[/poem]
الشاعر/عوض بن عني المهيمزي الرشيدي
|