رد: خـيمة مـــنتدآنآ ~{ حيآاآاآاآاآاآكم آللهـ ..،
البارحة ربي كتب لي وأنا أروح.
سقت القدم مع هجعة الناس وانساق.*
يطري لي الماضي على البال ويلوح.*
وأحن له من واهج الشوق وأشتاق. * **
*مابين حارات وممرات وسطوح.*
تقول تروي ما مضالي بالأوراق. **
لمحت موقع ما بعد كان ملموح.*
مكان فيه أول لقا واول أفراق.*
*صدفة وزادت من عنا شخص مجروح.
مريت يوم الله كتب لي بالارهاق. *
*
أنادي الجدران والصوت مبحوح.*
مكسور خاطر وازرق الدمع دفاق.
موحش ولا لي فيه لوجيت مصلوح. *
لكن له تقدير في قلب مشتاق.*
ماتقل جيتك فيه يامتلف الروح.*
وامضيت ساعات اللقاء ضم وعناق.*
فيه ابتداء حب ومتأهات وجروح.*
وفيه انتهى مشوار حلمي بالافاق.*
وفيه انطوت صفحة وصل كان مسموح.*
و منه ابتدت *واستفحلت نار الأشواق.*
وفيه اتفاق وعهد مبني ومشروح.*
وفيه اجتماع وليل يقطع على ساق.*
كانت تقول إلا الجفا غير مسموح.*
وبالك لغيري يأمنى الروح تشتاق.*
كانت تقول اياك والسر لايبوح.*
يبقى رهين السجن ممنوع الاطلاق. * *
كنا سوا نأتي وكنا سوا نروح.
حنا تبادلنا التهاني والأشواق.*
*
نسمع ببعد احباب في ماضي اللوح.*
ولا حسبنا حسبة ابعاد وفراق.*
وغروه عذالي بأساليب ومزوح.*
على شوي شوي ساقوه وانساق.*
أخطأ علي الأولة قلت مدموح.*
والثانية والثالثة كيف تنطاق.*
وأستانف الصد وتوعدني يروح.*
واوفى بوعده يامبارك ولا باق.
وباب المودة عقب ماكان مفتوح.*
*بأسباب مجهولة تعرض للاغلاق. *
والموقع أصبح صرح من جملة صروح.
يصعب عليك مشاهده يوم تشتاق.*
أجيه لإ ضاقت على القلب واروح.*
*لو كان شوفه يحرق الخافق احراق.*
وينك فديتك يابعد كل مملوح.*
أحكم على ظلمة حياتي بالاشراق.*
وينك تروح وتترك الدمع مسفوح.*
والقلب من غيبوبة الحزن ما فاق.*
بعدك عشقت مساهر الليل والنوح.*
الله حسيبك صار شوفك بالاشفاق.*
أرحم خفوقن من عنا الحب مذبوح.*
نيران صدك بالحشاء تحرق احراق.*
لو أتصنع ضحكة السن مفضوح.*
دمع المولع يفضحه كل ما ضاق.*
*
مجروح والموقع من الحزن مجروح.*
مكان فيه أول لقاء وأول أفراق.
|