رد: شاركونا
ثلاث تتجر بها ماهي مخسرتك
تجاره ماتخيب ظن تاجرها
نباك واسمك ورجوا الله مغفرتك
نصرا من الله كان الله سخرها
لا ترضي اعداك وتكسب من تحاقرتك
ولا تزعل اقرب بني عمك وتخسرها
واقعد على الطيب مارجلك معثرتك
واتعب على رفقه الطيب ودورها*
ولا تذخر بوقفتك والناس ذاخرتك
أن كان فيها (مغز أبره) لا تذخرها*
ترا ثياب الردا ماهيب ساترتك
ونقد الرياجيل يوجع وانت خابرها*
لو تطلب الناس منك فوق مقدرتك
أما تحزم لها والا تعذرها*
ولا تعتذر من رخى ماهيب عاذرتك
ولا تقول ما أقدر عليها وانت قادرها
طعني ولا عاد تطغى في مكابرتك
لاتموت الانفس قبل تصحى ضمايرها
حاول في دنياك تعمل شي لأخرتك
ماعقب طول الاعمار الا مقابرها
|