.gif)
يا راكب من مبعدات المصابيح
قصيدة الشاعر /نشمي زامل الرشيدي
يا راكب من مبعدات المصابيح
بنزا قليل المال سعره يهيبه
ممشاه ينطح يمت الغرب تنطيح
ويلفي على ثاري ويسأل شريبه
وخصه عن الموضوع من غير تلميح
وإسئل عن اللي مثل عين القضيبه
وعن الغلط خله يبدل بتصحيح
ويترك مواريد العدود الرهيبه
بعض المحبه مثل دلوا اللواليح
ﻻ وردة الجمه ولاهي مثيبه
الوقت هذا مثل راعي التمازيح
يبغى يدور واحد يلتهيبه
والحب لوانه من الشرع مابيح
ثﻻثة اثﻻث البشر تبتليبه
الحب قبلك قد تعب به شليويح
وعنتر وابو زيد الهﻻلي ابليبه
وعبله وعلياء ام الثمان المواضيح
تقول ابركب فوق كور النجيبه
ومنه الصفيرى صارت تقوم وتطيح
لين أبوها قطته بالمصيبه
وقيس الذي يرفع بالاصوات ويصيح
يدعى الغزال ويحسب انه حبيبه
وانا بعد ركضتبه دون تسليح
واليوم شفت من المحبه غليبه
والحب سلما للرجال المفاليح
وحب الشرف مافيه شيا يعيبه
لكان راح مع الليالي المدابيح
وبعد أنتها شبابنا ويش نبيبه
|