.gif)
المحادثه مع سهيل اليماني
بسم الله الرحمن الرحيم
أبيات من شعري أرجوا أن تحوز على رضاكم ومسامعكم
[poem=font="arial,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياسهيل سلملي على سيد الأحباب=حيث أنكم ياسهيل وسط النجومي
بلغ سلامي لريشالعين بخطاب=ودي أخفف عنه بعض الهمومي
لاجيت من فوقه ترقب ترقاب=أخاف خلي لانظركم يقومي
علامة المجمول دمعه بالأهداب=أسباب فرقاً جعلها ماتدومي
يسهيل قلي شلون حاله بعد غاب=ياالله عسى ياسهيل مهو مهمومي
مابغى دموعه يحرقاً سود الأهداب=وتحرق خدود الزين زاه الوشومي
ياسهيل من بعد الغضي صرت منصاب=أسهر طوال الليل ورعى النجومي
غديت مثل ألي جلاء لدار الغراب=رجله كسيرة وعاجزاً لا يقومي
ولا سجيناً سكروا دونه الباب=ومن دوم باب السجن ناساً تحومي
مظلوم وألي ظالمه كل القراب=وأمه تصيحه وتنتخي للعمومي
وصدر قراره والأمل عندها خاب=من هئية التمييز ميم مختومي
بقولها ياسهيل والدمع سكاب=مثل المطريالسهيل وسط الغيومي
بليت في شخصاً صغيراً وجذاب=في بحر حب الزين صرنا نعومي
لي قصتاً وياه من سمعها شاب=حتى ولو يسمعه ميتاً يقومي
ولو تشرحه لقائد الصرب كان تاب=وحتى رضيع الديد منها يصومي
حبي لها عامين محفوظ بحساب=وزودنٍ على العامين تسعين يومي
من أولاً لاجيتها تفتح الباب= وتسيل دمعتها بفرحت قدومي
وتضمني لصدرها بكل الأعجاب=وتشبك يديها من ورايه لزومي
واليوم حل أفراقها وشفت التعاب=وذقت التعاسه والشقاءوالهمومي
فارقتها ياسهيل غصباً بلا أسباب=أسباب من ماذاق لفح السمومي
ناساً جداها بس تفريق الأحباب=لو يسمع المزحه نشرها علومي
هذاك جعله يوم تفريق الأكتاب=يعطى كتابه في يساره يعومي
وجعل حديد النار بالجوف صباب=ولايعقب لدنياه لمثله رسومي
وياسهيل أنا بوصيك من قبل لا تغاب=قل للغضي يصبر وربه رحومي
ياسهيل أنا منساه لو كثرة أسباب=في السلم ولإ الحرب محنى رخومي
ياسهيل شاب الراس رغم العمر شاب=ومن شاف حالي صد وبيديه يومي
وعفنا الوطن ياسهيل وأهلي والأقراب=وزادي كرهته وأبلشتنا الهمومي
لاكن أبصبر دام للصبر مقضاب=وأرجي ولي العرش منش الغيومي
ولاكل من يرمي الهدف للهدف صاب=وألي كتب بالوح لازم يدومي
وأسلم وسلملي على كل الأصحاب=وبلغ تحياتي لكل النجومي
[/poem]
تقبلو تحياتي .....الشاعر سعد صبيح المهيمزي
|