منتديات قبيلة المهيمزات الرسمي - عرض مشاركة واحدة

اوسمتي · 11-Jul-2010, 04:23 AM

السلام عليكم ورحمة الله وبركاته

بسم الله الرحمن الرحيم

أخواني وأخواتي أعضاء منتدى قبيلة المهامزة أقدم لكم هذه القصيده المتواضعه واتمنى ان تحوز على رضاكم ...

هبي علي يا نسمه الشـرق ونسانيـس الشمـال
لـي وقفـة لابدهـا لــي وقـفـة لابـدهـا

في خاطري قصيدةٍ ترقى علـى روس الطـوال
مـن محتواهـا والهجـوس تقدنـي وأقـدهـا

أصفق بها في جال وتصفق بي على عشرين جال
لكن علـى مـا تشتهـي نفسـي لـزوم أحدهـا

مدامني شاعر ولـي جمهـور وبيوتـي جـزال
بَعدهـا واصوغـهـا واصوغـهـا واعـدهـا

الوقت موزينا لكن مـال الحمـول الا الجمـال
وحنـا جمـال كلمـا زاد الحـمـول تشـدهـا

صدورنا تاسـع بلـد وعزومنـا مثـل الجبـال
بدري على الأيـام وصـدوف الزمـان تهدهـا

لا تضيق وانت من الرجال اللي يضدون الرجال
عوق العدو عون الدخيل اللي سكـن فـي حدهـا

يا معرب الجدين من عمان ومن صوب الخـوال
رفيـق ومثلـك فالرجـال تودنـي واودهــا

أفعالكم تشهـد لكـم والطيـب مايبغـي سـؤال
ربعي وربعـي كلمـا جـات اللـزوم تسدهـا

أستغفـر الله مـا خلقنـا الا علشـان الثـقـال
حتـى البحـار تهابنـا مـن جزرهـا لمدهـا

تشره علي لا ابطيت والا اني قطعت الأتصـال
وانا تعبـت اجمـع كروتـك واضيـع عدهـا

لكن علومك وش علوم جنيف يا مـال الـزوال
واعطيك علم اللي تسولف للعـرب مـن جدهـا

تنشدني البارح وانا مالي على الهرجـه مجـال
بغيت اعلـم والعـرب مـا ينـدرا وش سدهـا

لا تطول الدعوا ترا مالي على الصبـر أحتمـال
الكلمه اللـي تستحـي مـن قولهـا لـي بدهـا

ان كان قصدك فالوصل مابه وصل يابن الحلال
الله يلعـن نازحـات البيـن ويلـعـن جـدهـا

والجادل اللي روحت عقب العصر قبل الـزوال
راحت وانا فـي موقفـي وش حيلتـي واردهـا

شلون وانـا اعدهـا رصيـدي الا راس مـال
ياليـت نفسـي تنعطـى مـن مدتـي وامدهـا

صغـيـره وربــي مكملـهـا ولله الكـمـال
الزيـن آيـه والوصـوف الباقيـه فـي قذهـا

حتى الصغير اللي ماهو يعرف الا كلمـة تعـال
يشفـق علـى دناقهـا ويحبهـا فـي خـدهـا

علي الحرام ان أعظـم مامرنـي طـول الليـال
قفايهـا وانــا اتفـكـر مـاقـدرت اردهــا