الشاعر/ عيد الداموك
دمعه بثر دمعه وونه بثر ون ... وقلبي بوسطه من همومه ملايين
ياعين لاتبكين ياجروح هدن... كثر البكاء ياعين مايرد غالين
وحن قلبي حن جمسٍ ليا حن ... توه جديد وسايقه كاضم البين
اذا ذكرت ايام بــ العمر مرن... وجلساتنا مع ناس والله عزيزين
يفز قلبي تقل غزلان هجن... وجالس لهن قناص من بين جالين
جالن وفي عالي المراقيب عدن... وراحن وهو قلبه تقل فيه سكين
اصبحت مثل الي على العد وردن ... الوقت صيف ومضميات اسبوعين
حامن وجالن ثم على الحوض داجن... وراحن ضوامي ما على العد مسقين
على حبيبي عني اضعونه اقفن... ابطى علي ولا عرفت العناوين
الوقت قاسي والليالي يدورن ... لا يحسبنا عنه ياعين سالين
نعد الثواني والليالي لا مرن... ياعين حنا نعرف الزين والشين
الحب بلوى واكثر الناس يفتن ... بسلوبه الراقي وميل الموازين
صحيح من قال العذارى يخونن ... لكن اهو ما خاني كامل الزين
يوم النجوم بتالي الليل يسرن ... تشهد على الي صار من بين الاثنين
هو ذكرياته داخل القلب يبطن ... لو فرقتنا ظروفنا ايام وسنين
|