محاورة الشاعر عبدالرحمن خضيروشقيرالمطيري
الشاعر عبدالرحمن خضير
هلا مرحبا حييت ياغايـب غـاب
رمابه نصيبه بين بـاب ودريشـه
ياحبي لراعي الطيب وشقير لوطاب
بتالي زمانن مابقـى فيـه عيشـه
الشاعرشقيرالمطيري
لعل البقابك والرجاءفيك ماخـاب
يارع الجناح اللي مابه غيرريشه
يابيت الشعرلولاعمودك والاطناب
رموك البدومابين رنيه وبيشـه
الشاعر عبدالرحمن خضير
ياراعي الجمايل لو تجمل بالاصحاب
اسولف ولاانسى اهل القلوب الغشيشه
ترى الداب مثل الداب بالشكل و الناب
ولا تثير فتنـه بالعقـول الخريشـه
الشاعر شقير المطيري
مدام المضيف وأقفلك على البـاب
تعش المفطح خل عنـك الجريشـه
لوإنك رجل صاطي ومفتول الاشناب
ماوقفت بين الصندقـه والعريشـه
الشاعرعبدالرحمن خضير
تفرعنت لكن ماانته مثيـر الاعصـاب
ترى الصقر ماعمره كلا مـن وليشـه
آنا اصطى من الصآطين ومعرب انسآب
ولاانت متنوش شـي صعـب منيشـه
الشاعرشقيرالمطيري
تفرعنت ياللي منت داري بالاسباب
ولاني مبدل سابقي فـي كديشـه
إذأطعت شوري لاتعرض للانشـاب
ترى السلك أبوراسين وصلت فيشه
الشاعرعبدالرحمن خضير
ابو زيد فارس وانت شاعر ونصاب
وليا ضاق صدره فيه زومه وطيشه
كتبنا عليك كتاب وكتـاب وكتـاب
وعلى حد من حدين بين طريشـه
الشاعرشقيرالمطيري
تبى الجدوالله ماحسبنالك إحساب
وأنامستعدأحط راسـك بخيشـه
لاتسرع وتصدملك بشيول وقلاب
شبابك قضى مافيه رجه وطيشه
|