قامت تعاظم غربة الروح يا سعود
يالله دخيلك و استجدّت جدايد
تغرّبت وسط الجسد روح مجحود
في دارها وشلون راحت بدايد
والشوف ذاب و خالطت بيضها سود
و الزود نقص و ناقص العلم زايد
من اولٍ و الطيب للناس مقصود
و اليوم صارت طيّباته شرايد
للوقت تالي مثل باديه مشهود
فيه الجهل عوّد على الناس سايد
يا عازفٍ عمري على نغمة العود
هذي حياتي غنّها لي قصايد
مرٍ على الهيّن و مرٍ على الكود
و عمر الفتى لحظات هيّن و كايد
و اسمع من الخفّاق رجعٍ و مردود
قلبٍ مع الونات قد له عوايد
|