قصيده في قمة الروعهوالجمال اعجبتني وحبيت ان اشاااااارك فيها
يازيـن قلبـي منـك عيـا يمـلـي=عزي لحالي منـك ياعـز الاحبـاب
ذبحتني فـي رمـش عيـنٍ مظلـي=حدر اللحجه اسود الرمـش جـذاب
لاقلـت بكـره مـن هواكـم نملـي=قلبي معاهدنـي عنـك يـوم ماتـاب
سامرت نجـم الليـل والليـل زلـي=وقبل علي الصبح والجرح ماطـاب
صورة خيالك وسـط عينـي تسلـي=مسكنك وسط العين من تحت الاهداب
ياروح روح الـروح خـل التغلـي=اعطف على محبٍ من الحب منصاب
اسكن بحائل وانـت تسكـن حولـي=عزاه من فرقاك ياعـز الاصحـاب
اقفت وانا قفيت محـداً فطـن لـي=عسى العوض به بالجماعه والاقراب
حبي شرف مانـي مـدور رداًلـي=وانتي عزيزة نفس ماطق لـك بـاب
ليتـك مـن اقرابـي وفيـه تهلـي=وجيك انـا زوار واجيـك خطـاب
ليتك مـن اقرابـي تحـل بمحلـي=واصير انا من بينكم عرض الانساب
عسى الـذي نشـاء سحـابٍ يهلـي=يحرسك ثم يحفظك في لوح وكتـاب
مـدام قربـك لـي خـلٍ وخـلـي=مع السلامه بـذرف الدمـع سكـاب
روحـي فمـان الله ربـي مجـلـي=هم القريص اللي نهب رجله الـداب
هذا مردي لك حروفٍ صـفٍ لـي=سامرتهن بالليل ليـن القمـر غـاب