قصيده ومرد
الشاعر/ سعود عيد المهيمزي الرشيدي
لاوالله الا غادرت يابوصياد
راحت ونا قلبي معاها رهينه
الجادل اللي يمها الفكر منقاد
ولشوفها قلبي تزايد حنينه
ست سنوات وحبها دوم يزتاد
والنفس صارت في غيابه حزينه
ليت الزمن يرجع والايام تنعاد
وعيد وقتً راح بيني وبينه
والمشكله اللي مضاء صعب ينعاد
تقفي به الدنياء وتبطي سنينه
الشاعر / امين عجيان العويمري الرشيدي
صحيح ماتنعاد لو قلت تنعاد
فرقاء القلوب اللي من اول قرينه
لاكن تصبر كان بالصبر ميعاد
كم واحدن صبره علي راحتينه
ماذاق حلو النوم والشرب والزاد
كله سبايب جادلن وسط عينه
عنق الغزال اللي تعند تعناد
ريم الفلاء اللي ساكنه في سكينه
من خلفها رمحن ومن قدمها سياد
وفي بيتها ياسعود هم محتمينه
ليه ثمان سنين والجمر وقاد
وعجزته يديني لاتلامس يدينه
ولا انت راحت عنك من دون نشاد
لامن غبن منها ولاهي غبينه
يمكن يعود الوقت ويجيك منعاد
ويفك قيد اللي من اول سجينه
ولا انا يسعود في دربي اعقاد
عوايقن شرق وجنوب ويمينه
|