.gif)
تدري وش يجرح القلب جرحين
تدري وش يجرح القلب جرحين
تدري وش يجرح القلب جرحين
ويمد حبل الحزن في ويشده
انك تناظر طفل من غير أبوين
يمشي ودمعة سايل فوق خده
منظــر صعيب ويقسم القلب قسمين
لا قــام يمسح دمعة بكف يده
يمشـي ولايدري طريقة علـى وين
لين التعب من كثر ماتاه هده
أثقل حروف يشيلـهـا فـيـه حرفيـن
لا أب يــدري بـه ولا أم تــرده
في خطوتــه رحلـــة ودمعـــة وسـكيـــــن
وحظ توسد بالمراسي مخدة
جيــت اسأله باللـه قـللــي ولــد ميـــن ؟؟
وبغــى يجــاوب .. واختنــق صــوت رده
أنـــا يتيـــــم ومــالدربــــي عنــاويــــــن
وجــــزر الحـــزن فينــي يســـاوي لمـــده
وطعــم الطفولــــة ما عرفتـه لهـا لحيــــن
وثــوب السعــــادة صـــرت مانيـب قــــده
ابكــي إلـــى من شفت غيــري سعيديــــن
ليـــن ألبكا فينــــي يوصـــــل لحـــده
واقفـــى ورحت امسح دموعي من العيــن
وعينـــــي تناظــــر دمعتـــه فـــوق خــده
وهذا اللـــي يجـــرح القلــــب جرحيــــن
ويمــد حبـــل الحــــزن غصـب ويشــــده
|