الصبر سجن الرجاء وسلومي قيـود
الصبر سجن الرجاء .. وسلومي قيـود
واخاف .. لا أجني من الصمت / الندامه
ساكت وصابر .. واشوف الوضع مشدود
ما ودي .. اجرح بأحاسيسـي صيامـه
من محجر الشّح .. طاحت دمعة الجـود
حتى غشت وجـه الايـام .. الملامـه
بالضبط .. ما كنّهـا الا دمعـة العـود
عود ٍ .. من عيالـه يشـوف انهزامـه
كم واحد ٍ لو حضـر ماهـوب موجـود
ندرك وجـوده .. ليـا اوحينـا كلامـه
وانا احسب ان الغياب سهـود ومهـود
لو كنت .. اميّـز حلالـه مـن حرامـه
ويوم افترقنا الضحى يـا أعـز مفقـود
حسيت بالكون .. يـوم اسـدل ظلامـه
برّي .. وبحري .. ونسمة بـارد النـود
وسماي فاقـدك .. غمامـه / غمامـه
سحاب ..لكن بـدون بـروق ورعـود
عجزت اواسيـه حتـى ب.. أبتسامـه
والونّه .. اللي تغيـب شهـور وتعـود
صرت اتمنـى لهـا .. طيـب الاقامـه
جاء للمشاعر ما جاء لأصحاب الاخدود
شكراً ل.. ظلمك على حسـن اهتمامـه
اللوم .. شيـخ ٍ وراه جروحـي وفـود
ان مـدّ يمنـاه .. ( عـزالله مقامـه )
ووفاي .. مثل الشجر واوراقـه عهـود
حطّي علـى غصـن شوقـي ياحمامـه
ارجي وسلك الحرير .. يقودنـي قـود
قـود الزعيـم ل.. مقاليـد الزعـامـه
لو ان حيلي من اللـي شلـت مهـدود
ما اطيق ازيد الحمل .. ريشـة نعامـه
ان كان هذا الامـل ماجـاب مـردود !
قامـت علـى راس عاشقـك القيامـه
يخسر تعب ه.. السنين وكـل مجهـود
وتأخذه عن راحـة البـال / الشهامـه
من عاش سكرّة كـلام عيونـك السـود
اصبح مـن العالـم اصحـاب الفخامـه
كنّه ملك والعـرب مـن حولـه جنـود
ب.. عذره ان عاش جـوّه وانسجامـه
غيرك لو انـه فـرش فدروبـي وروود
وفرض .. قبـل مقدريتْـه / احترامـه
اقـول لـه .. ماعلـى مشاعـرك زود
لكّن .. خلـك علـى فـراش الكرامـه
اما انت .. والا بلاش معاشـر الخـود
ماني .. مبـدّل شـدادي ب.. المسامـه
مواصلك .. لا ذكرته يا أطـرق العـود
اقول :- ( يا جعل ل.. الجنه عظامـه )
سافرت مانت ب.. على سفرتك محـدود
متـى علـى الله .. ترجـع بالسلامـه
مما راق لي
|