أجيك أكابر وأعوّد منّك أكابر.. وأنا دموع الحزن تنساب من عيني
من شان خاطر عيونك صرت لك شاعر
وخاطر عيونك عن العالم مكفيني
صحيح أحبك وأموت بوجهك الطاهر
لكن صمت المحبة بينك وبيني
أجيك أكابر وأعوّد منّك أكابر
وأنا دموع الحزن تنساب من عيني
يدفعني الشوق واعشق حسنك الباهر
يادمي اللي تغذى به شراييني
أودعك في رجاء لقياك من باكر
والشوق فيني وضيقة خاطري فيني
صادق إذا قلت متضايق على الآخر
فرحة بدونك ولو زادت ماتعنيني
ومن وين ماأحط عيني ودي اناظر
من كثر حبي لشوفك ترسمك عيني
|