منتديات قبيلة المهيمزات الرسمي - عرض مشاركة واحدة

07-Jun-2011, 12:05 AM

خل الكلام اللي على بيض الاوراق
واسمع كلام الذكريات الدفينه
قادني جيوش المشاعر بالأعماق
مثل الهبوب اللي تقود السفينه
امشي وانا مشتاق واجيك مشتاق
وارجع وانا شوقي تزايد حنينه
ان غبت لك قلبي على القرب توّاق
وان جيت زالت كل ذكرى حزينه
وان بان وجهك واشتعل كل براق
شفت الوصوف النادرة والثمينه
كنك خذيت النور من نور الإشراق
وكنك عطيت الليل طبع السكينه
ولا هب ذعذاع المحبة والأشواق
تزاحم هجوس( ن) بقلبي سجينه
يالصاحب اللي كل ماخاطري ضاق
ألقى السعاده بين رمشه وعينه
أخذت قلب( ن) بين الأضلاع خفاق
ماردته حدب الضلوع المتينه
اثر الغلا ذنب( ن) له القلب ينساق
يملك مفاتيح العقول الرزينه
والحب يبقى عند الأحباب ميثاق
بوجيه صفحات القدر كاتبينه
واللي بغفوات المحبين مافاق
يصبر ويلقى مايبيح كنينه
*