<كلٍ على كيفه يذب الخريمه>
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماقسى عذاب الا عذاب المحبين=ولاشقى دموع الا دموع اليتيمه
دنيا تنقّيلك من الزين والشين=من وسع بال وقطع وصل وظليمه
وانا ترى ماني تبوع المقفين=ابعد مثل بعد الغريم لغريمه
فيني كرامة نفس ماني مسيكين=اخضع تحت جور المقفي وضيمه
من راح ماني قايلّله على وين=كلٍ على كيفه يذب الخريمه
لو طوّل اغياب الردي سنين ودنين=عزالله ان غيابه اكبر غنيمه
ناسٍ عوايدها على المذهب الزين=وناسٍ عوايدها نفاق ونميمه
واللي ترفع عن علوم الرديين=في ذمتي ان عنده كرامه وشيمه
هرج الحكيم ان طالت اسنينك يبين=وهرج المغفل ماله ايات قيمه
وفي كل قوم وكل جمع وميادين=الخبل يعرف والصتيمه صتيمه
وسلامتكم
<حـجاج المـهيـمزي>
[/poem]
|