يرسى ولد عبس الرشيدي يرسي,.,.
[poem=font="simplified arabic,6,black,normal,normal" bkcolor="transparent" bkimage="" border="groove,5,gray" type=0 line=0 align=center use=ex num="0,black""]
الراس عالي ماحنيته لله=الا لواحد ماحدن كفوله
ونا ولد من ياسمون الكفه=جمرة عرب واللي نبى ناصله
الكل له عزوه ويفخر فيها=ونا افتخر في مجد ربعي كله
ياعزوتي يالابه المخبوره=رشايده منها العدا منذله
اللي عرفنا عارفن من حنا=واللي جهلنا علمه ثم قله
حنا قبايل عبس ياجهلنا=اسم القبيه لاقريت افطله
فرساننا اللي ينطحون الغاره=هم اهل الميدان هم هلله
عنتر وبن براك دليم وقاسم=نجوم في صدر السماء ومطله
وذكرلك هديبان حامي دياره=ياكم واحد محتمي في ضله
ومنا ابن سمره بالفعل نفخربه=اليا اقبلت سود الليال ازبله
عداتنا نسقي حيام الضامي=ان ورده وساقيه تعدله
واليا اقبلت خيل العدا وجيناها=رجالنا على المعادي عله
الخيل لامن صاح قاسم تجفل=واللي فبطون الخيل راح اتهله
ننطح زعيم القوم ثم انحذفه=من فوق ضهر حصانه ونحتله
وسط المعارك رمحنا مسقينه=مثل الرمه يوم السحاب ايعله
دون المضارب روحنا نهديها=ولاحسبنا كثر الجيش وقله
يرسي ولد عبس الرشيدي يرسي=بوجه الجيوش ويحتمي محله
نشرب فناجيل الذي ماتشرب=وفي وسط ميدان الوغى ننزله
واللي يهدد جاه علمن منا=عنوانه احذرسيفنا لانسله
واللي غزانا نص ربعه يفقد=ون كرها كثر العدد ندبله
هادين لاكن لاغضبنى بالوى=الراس من بين المتون انتله
مقدامنا مثل الجبال الشمخ=والماقف اللي ناقفه قدله
ون عودة يم الكرم والنخوه=حنا الكرم والمجد مرتعله
نجود لاشح الزمان وقفا=ومن العطى مانعطي الا جله
واليا نخانا اللي طلبنا فزعه=خصمه ترا يابعدها نمهله
اليا حتزمنا لدخيل وقمنا=ياسعَد حظه وسعد مقبله
والضيف يلقى واجبه لاجانا=يالقى الشحم ويساق بن الدله
وفعل الرجال الطيبه مايهضم=واللي هضم فعل القبايل خله
اهل الوفا بفعالها معروفه=تاريخ كلن بالكرم سجله
واليوم حنا عايشين ونسكن=في ظل قايدنا الملك عبدالله
وسلطان اخوه الله يطول عمره=اليا نعقد حبل الزمان ايحله
يومه حكم عبد العزيز معزي=بالشرع حكمه وتباع المله
راح الجهل والعلم نور دربه=الدرب واضح والطريق اندله
[/poem]
|