لعنبـو قصـة غــرام كــل ابـوهـا كلمتـيـن
ابتدينـا عنـد احـبـك وانتهيـنـا عـنـد بــاي
تـونـا مابـعـد مشيـنـا فالـهـوى لوخطـوتـيـن
وانتهى الموضوع كله حتـى ماأعـرف وش خطـاي
انتهـى الموضـوع كله وبكـل سهولـه تحكمـيـن
ويـن احبك ؟ ويـن اريدك _ ويـن ساكـن فـي حشـاي ؟؟
يمكـن انـك ماوفيـتـي يــوم جيـتـي تعشقـيـن
ويمكـن انـك تحسبينـي بتبـعـك مــن دون راي
ويمكـن اصـلا ماعشقتـي بـس كنـتـي تلعبـيـن
ويمكـن انـك ماوصلتـي فـي هـواك لمسـتـواي
ويمكـن انـي ماعرفتـك فالحقيقـه وش تبـيـن
ويمكـن انـي خنـت نفسي..يـوم أعطيتـك وفـاي
علمينـي فالـهـوى ياجاهـلـه وش تعرفـيـن
تعرفيـن انـك غديتـي شي يجـري فـي دمــاي
علمينـي فالعطـاء والتضحـيـه وش تفهمـيـن
لعنبــو حيـك عشانـك خنـت اقـرب اقربـاي
كنـت نايـم فالعسـل وارسـم مـن الفرحـه سنيـن
كنت اظنك قلب عاشـق ماسكـن وسطـه سـواي
ورده اي والله ورده بــس عرفـتـي تجـرحـيـن
كـل شـي فينـي جريـح الا فخامـة كبريـاي
ما تأثرت بغيابك وشهو يعنـي دمعتيـن ؟؟
بكره انسى صدقيني وارجـع بكامـل - قـواي
ادري ان حنا افترقنا بـس أبفهـم حاجتيـن
علميني وش كسبتي ؟؟ وعلميني وش خطاي ؟؟
أصلآ الموضوع كلـه مـا تعـدى كلمتيـن
إلتقينا عند ( احبك ) ,, وإفترقنـا عنـد ( بـاي)

مما راق لي