ليتك رحلتي دون توديع وجروح ،،،،،،
ليتك رحلتي دون توديع وجروح
ولا حفظتي قيمتك واسترحتي
كنتي قبل في عيني اغلى من الروح
واليوم راحت قيمتك يوم رحتي
لو كان عذرك ضرف واضح ومشروح
ما كان من عيني نزلتي وطحتي
لكن رحلتي صمتك اقبح من البوح
حتى بعذرك للأسف ما نجحتي
جيتي بدمع ونبرة احساس مفضوح
وانا افهمك من نظرتك لا لمحتي
تركتهم لجلك وانا عنك منصوح
ورقيت بك فوق وعواذلك تحتي
وغرد لك القمري على عالي الدوح
وانتي على غصن الامل ما مرحتي
واليوم بدموع الغدر عينك تلوح
ما كنك اللي في غرامي سبحتي
ما عاد ابيك وماحصل منك مسموح
بس اتركيني وابعدي لو سمحتي
قلبي تعب وحساسي اليوم مبحوح
لو كان مشعر بالاسى لا فرحتي
ان طال جرحك كلها ايام ويروح
بعض الجروح علاجها يوم رحتي
|