اخواني وأخواتي السلام عليكم ورحمة الله وبركاته
من هذا المنتدى وحصري على منتدي قبيلة المهامزه حبيت ان ابعث لكم جديدي واتمنا ان ينال على اعجابكم .
ياضــــي حــــايل ترا بينــت لك خـافي ** وشلون حالي على كيفك تـــعذبها
ان كان تبغا الــحقايق جابـــــها قـــافي ** حالــي قفتها عواصيفن تلاعـــــبها
والوضع عيا يساعد وانت متجـــــــافي ** والقــــلب ماغيــــر واناته يجـــاذبها
ارجوك عجــــل بوصلن يحيي اتـــلافي ** اللي فراقك تسبب في ســـبايبها
لو كنت تدري عن اللي في ياجــافـي ** حـرام دمعت عيونك غير تسكبها
عود على صاحبك يازين الاوصافي ** اترك هروجن ضعيف القوم يجذبها
ان جيت وسط النظر وجفوني لحافي ** يـــامرحـــبا عد ماهـــلت سحـايبها
وان كان قـــفا وليف القلب يــــالافي ** ياكثر ناســن بها قفت ركـــايــــــبها
اكـــيد من عافنــــي لابد ينـــــعافي ** لو اجبر النفـــــس واتحمل صـعايبها
مايتبع اللي مقفي غير الاضـــعافي ** والحـــر عنها يشـــوم ولا يعــــــاتبها
ولون فرقــاك نارن تحرق اجــــوافي ** الوقــــت عنــي يبي يطــفي لهايبـها