لذة اعتـــــــــــــــــــــــــابك

اذا مريت فى بالك امانه لا تعاتبني
وخلي لذة اعتابك لساعة وصلنا يا زين


دموعك خلها تجري على خدي وراقبني
اضمك ارتشف كأسك وناظر فرحتي هالحين


اجي ارضيك يا سومه تعاند لا تقاربني
تعاند ايه واترجى وفى لحظه تحن وتلين


امانه قول قول وقول بكل الشوق خاطبني
سوالف نابعه مني ومن قال اننا اثنين


غرامك بحر ما وقف وغيرك ما يناسبني
عشقت الموج والرمله ومرسى الود لي ف العين


احبك يا لغلا والله وحبك بس عاجبني
اشوفك بدر قدامي وكل الناس عندي شين


حبيبي انت ما غيرك وسحرك لي يصاحبني
احسك نبضه احلامي وحتى الظن فيك يقين


يزيد العشق يتقدم جيوش تقول حاربني
وانا مستسلم اصلا وتبصم راحة اليدين


واذا مريت فى بالك امانه لا تعاتبني
وخلي لذة اعتابك لساعة وصلنا يا زين

منقول<< >>>