داره الدنياااا

وعذاب القلب لاقيل مانلقى دواه
غير عند اللي طغت من جمال غناجها
مانساه القلب لو غاب عني مانساه
والظروف القاسيه بالهوى متواجها
أه ياصبرٍ صبرته ويامطول غثاه
سم حالي والمحبه قفل مزلاجها
مير ربي لابلا العبد في شغله بلاه
مالي الا الصبر والله عليه أفراجها
لو أصيح الفين مره وقول الفين اه
مافزع لي بالبلد سورها وأبراجها
الله أكبر والمشاوير تاليها فناه
مايدوم الا الله اللي كتب منهاجها
يالله أني طالبك لايطول في جفاه
قمت أشوف الموت والعين غاب سراجها
الفراق أصعب من الموت قلبي ماقواه
من تفارقنا وعيني طويت احجاجها
قلبي اللي حده البعد والعاذل حداه
الكلام الزور سم القلوب وعاجها
والله ان اللي عطاني بحبه ماعطاه
مل قلبٍ ضيقته يستحيل اخراجها
يوم قالت ننتهي قلت لاتسمع خطاه
والله اني يابشر مابغيت احراجها
يستمع للغير دايم عسى الرب يهداه
وأنصحه وأقول ترى الفراق انتاجها
العذول الله يزيله وقل الله حلاه
مايخلي سيرة الحب فوق أدراجها
من قبل لامن طلبني قصايد ماعصاه
أكتب الأشعار دايم على مزاجها
من قبل يحتاجني دوم يرسل لي غلاه
دارت الدنيا وأنا اللي ترى محتاجها
لاتعذلون المولع بحب اللي هواه
حالته من دون خله صعيب اعلاجها

الفراق أصعب من الموت قلبي ماقواه
من تفارقنا وعيني طويت احجاجها

كلنا رشايده
شكرا لنقلكـ وحسن انتقاءكـ ,,
ابيات جميله ورائعه ..
دمت بخير .

الف شكر لك يا الغااالي ع المررررور تحيااتي لك

صح لسانك ومشكور اخوي وتحياتي للجميع وتقبل مروري...