اذخل الموضوع وطلع مثقف

((إتّبع النقاط التالية لتنضمّ لعالم المثقفين))

1 إمحط اللحية و الشنب .

2 إذا سألك أحد من تسمع له قل لفيروز وشادية حتى لو إنك ماتسمع إلا لمزعل فرحان وسعد جمعة .

3 إذا قالوا لك من شاعرك المفضل قل محمود درويش و أدونيس حتى لو إنك ما تقرأ إلا لضيدان بن قضعان وسعد بن جدلان .

4 إبتعد عن المباشرة في الكلام وأعمد إلى " التعفيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..

5 إذا كتبت مقال فلازم تطعّمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قُضي الأمر أبد لزّهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعمية ألف كتاب وتقرأ ثمانمية ألف موسوعة ""؛ وإنتبه تقول : "الرأسمالية و الأشتراكية والقومية " ترى ذي الكلمات حقت مثقفين منول .. أما هالحين ما عاد يوكّلن عيش.

6 كثّر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . الثيوقراطيه ". وإذا إنزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما فيه أحد يبي يسألك ويقول وش معنى ذا الكلمة عشان ماينكشف " جهله " ويدرون الناس أنه مهوب مثقف.

7 خربط لك أي كلام بس بشرط إنه يكون " مبهم " وغير مفهوم وأهم شي أكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا رواية .

8 إنتبه تؤرّخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيدة حداثية تكتب الشهر كتابه مهوب رقم ، زي كذا " حزيران 2007 " أما ذا الشهر حق مثقفين بقوة ويُنصح بعد إنك تحط تحت التاريخ أي عاصمة أوروبية " لندن , جنيف , باريس " حتى لو إنك كاتب القصيدة بالخرج وإلا الدلم .

9إذا جاء معك مقابلة في التلفزيون " حشّ" بالشعر الشعبي وشرشحه حتى لو إنك تحبه وقل إنه شعر البسطاء والعامة و الدهماء وإنه معول من معاول هدم اللغة ولابد من إعلان الحرب عليه دون هوادة !!!

10إذا سألك أحد وش الجرايد اللي تقراهن إنتبه تقول له عكاظ والا الرياض !! عشان مايدري انك قروي
قل الحياة والشرق الأوسط والاقتصادية حتى لو إنك مابعد شفتهن على الطبيعة ..بس لزوم الثقافة.

11إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت أتضبّب !! لاياحبيبي , قل له أنا تأسرني الليالي البيروتية المقمرة وخصوصاً في فصل الخريف حتى لو إنك ما تفرّق بين الخريف و" المربعانيه ".

12حاول دايم انك تفلسف وتلف وتدور في كل شي وفي كل إجابه حتى لو إن الجواب حرفين خله عشر سطور وكثّر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك إنك من كبار المثقفين.


13لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل "لاست مونث" ، عشان يقولون واااااو لغته رااااقية خخخخ.

14إياك وعلي الطنطاوي أو غيره من الأدباء أو الكتاب اللي مثله ، بل إستبدله بأدونيس ، أو أينشتاين ، وشرواهم " شرواك اطيب
طويرق معاك"

ههههههههههههههاي


الله يرجك


والله من يوم شفت الموضوع وانا غسل ايدي منك


شكلي ابي اكون دكتور من كثر الثقافه



ههههههههههاي



تحياتي لك وشكرا لك على الموضوع

ههههههههههههههههههههههههههههههههههههههههه



موضوع مثير وهذه حال الكثير من الناس
بعص الناس تجده حفظ له خمس كلمات من الانجليزي

وزعج البشريه بها وهو حتى مايعبر نفسه بالقراءة

شكراً لك

((إتّبع النقاط التالية لتنضمّ لعالم المثقفين))
زين بتبعها بس إذا ماصرت مثقفه ياويلكـ مني يا طويرق

1 إمحط اللحية و الشنب .
والبنتـ تطش الخمار مووو

2 إذا سألك أحد من تسمع له قل لفيروز وشادية حتى لو إنك ماتسمع إلا لمزعل فرحان وسعد جمعة .
زين وإذا ما حب الأغاني كلها

3 إذا قالوا لك من شاعرك المفضل قل محمود درويش و أدونيس حتى لو إنك ما تقرأ إلا لضيدان بن قضعان وسعد بن جدلان .
لا بقول معيبد بن شعبان وشكسبير

4 إبتعد عن المباشرة في الكلام وأعمد إلى " التعفيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..
إزلها هذي عندي دايم هههههههه

5 إذا كتبت مقال فلازم تطعّمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قُضي الأمر أبد لزّهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعمية ألف كتاب وتقرأ ثمانمية ألف موسوعة ""؛ وإنتبه تقول : "الرأسمالية و الأشتراكية والقومية " ترى ذي الكلمات حقت مثقفين منول .. أما هالحين ما عاد يوكّلن عيش.
خلاص بكتبـ مقال عن الليبراليه
وماراح أنسى خواتها بدخلهم غصب طيب

6 كثّر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . الثيوقراطيه ". وإذا إنزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما فيه أحد يبي يسألك ويقول وش معنى ذا الكلمة عشان ماينكشف " جهله " ويدرون الناس أنه مهوب مثقف.
وإذا نط لي واحد ملقوف وقال شتقولين يا بنت

7 خربط لك أي كلام بس بشرط إنه يكون " مبهم " وغير مفهوم وأهم شي أكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا رواية .
وإذا حذفه المشرف بالأرشيف ودز لي مسج يقول وش ذي الخرابيط يالخياله

8 إنتبه تؤرّخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيدة حداثية تكتب الشهر كتابه مهوب رقم ، زي كذا " حزيران 2007 " أما ذا الشهر حق مثقفين بقوة ويُنصح بعد إنك تحط تحت التاريخ أي عاصمة أوروبية " لندن , جنيف , باريس " حتى لو إنك كاتب القصيدة بالخرج وإلا الدلم .
ميصير أكتب الرياض

9إذا جاء معك مقابلة في التلفزيون " حشّ" بالشعر الشعبي وشرشحه حتى لو إنك تحبه وقل إنه شعر البسطاء والعامة و الدهماء وإنه معول من معاول هدم اللغة ولابد من إعلان الحرب عليه دون هوادة !!!
زين وهم بحش بخاتم ومعيبد وحجاج هههههههه

10إذا سألك أحد وش الجرايد اللي تقراهن إنتبه تقول له عكاظ والا الرياض !! عشان مايدري انك قروي
قل الحياة والشرق الأوسط والاقتصادية حتى لو إنك مابعد شفتهن على الطبيعة ..بس لزوم الثقافة.
ماشي

11إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت أتضبّب !! لاياحبيبي , قل له أنا تأسرني الليالي البيروتية المقمرة وخصوصاً في فصل الخريف حتى لو إنك ما تفرّق بين الخريف و" المربعانيه ".
ههههه لا بقول على شاطيء البحر والنسيم عليل هههههههه وش رأيك فلللللله

12حاول دايم انك تفلسف وتلف وتدور في كل شي وفي كل إجابه حتى لو إن الجواب حرفين خله عشر سطور وكثّر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك إنك من كبار المثقفين.
تم


13لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل "لاست مونث" ، عشان يقولون واااااو لغته رااااقية خخخخ.
يوه أنت لو تقول لي ثانكس ما أعرف أرد عليكـ

14إياك وعلي الطنطاوي أو غيره من الأدباء أو الكتاب اللي مثله ، بل إستبدله بأدونيس ، أو أينشتاين ، وشرواهم " شرواك اطيب

طويرق معاك"
حياكـ الله طويرق
ها بتجيزني أصير مثقفه
هههههههههه
بصراحه إستمتعتـ بقراءة موضوعكـ
الله يعطيكـ العافيه

خخخخخخخخخخخخ

والله انك صادق ياطارق العالم هالحين متصورين ان الثقافه
بهاالمظاهر الزايفه
لكن مادرو ان الثقافه بحسن التعامل
والاسلوب الجميل والبسيط والمريح للعقل والقلب

يعني تلقاه يمشور نفسه بين هالكلمات اللي ماهو عارف نصها اذا ماهو كلها .

ع العموم موضوع بغاية الروعه
والدم الخفيف .

سلمك ربي

تقبل ودي