اسمعي.....!!!!؟؟؟؟؟

اسمعي ما قلـت يابنـت الرجالـي
من هواجيـس يصبحنـي قشرهـا
قالهـا نجـر العتيبـي بالكمالـي
والبيوت المستقيمه مـا كسرهـا
يا هني اللي من الهاجوس خالـي
ما يصارع له امـور مـا قدرهـا
شيخة الزينات مدري مـن هبالـي
مـرت الشـارع ونورنـا قمرهـا
لبسها حشمه وممشاهـا اعتدالـي
لو تمر الدبدبـه يخضـر شجرهـا
عين حر طالـع ٍ والقـاع خالـي
كن زهر الورد فـي لبـة نحرهـا
صبحتني مثل ابـو زيـد الهلالـي
يوم عاند صبح القـوم وكسرهـا
ان سكتنـا جرنـا تـاج الجمالـي
وان تكلمنا غرقنـا فـي بحرهـا
صفقت قدحان غـزلان السهالـي
مثل راعي طبخـةٍ قـام ونثرهـا
واسمحوا لي يا كريمين السبالـي
لين ابين عن شعوري من سكرها
تستحـق بزينهـا كـل المـدالـي
والصحافه عمرها ما اخذت صورها
من بنات البـدو فرسـان القتالـي
لا نقربهـا ولا نبـعـد ديـرهـا
يا عنود الصيد قولك سـم حالـي
يابعد قشراً تحودب مـن ظهرهـا
ما نويت ادعمك يا عنق الغزالـي
لو تسدحني ويـا طانـي كفرهـا
والفرامل جاهـزه والزيـن غالـي
والبريك امـا انفقـع والا قهرهـا
وسرعتي وسطى وانا قايد مثالـي
والمشاكل كلهـا عنـدي خبرهـا
وقسمة الله جاريه في كـل حالـي
واطلب المولـى يعدينـي خطرهـا



7
7
7
7


قصيدة للشاعر نجر بن فيصل العتيبي

مما راق لي