وداعة الله مابقى للغلا روح

قصيـدة للشاعر الجزل/محمد بن مريبد

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] وداعـة الله مـابـقـى للـغـلا روح=وش حـيلتي والعشق ينـزف وريـده
سـامح حبيبك وانت معفي ومسمـوح=لـكن طلبتـك تسمـع اخـر قصيـده
قصيدة(ن) خذها على شيـك iiمفتـوح=من واحد(ن) ماقد نشد عـن رصيـده
فـقير مـال ولكـن انـه غنـي روح=ويـملـك مفاتيـح الحيـاه السعـيـده
لـو ان قلبـه لاخفـق كلـه iiجـروح=ولاهـو من اصحاب القلـوب البليـده
يـحزن لحزن الناس ويسـج وينـوح=ويـفرح لكل الناس لـو هـي بعيـده
ومـن منطلق سر العلاقـات والبـوح=بـعلمـك شـي(ن) عسـى تستفيـده
يـمكن تمرك ساعة الضيـق وتـروح=وتقـول عـدت والليـالـي iiمـديـده
وانـا اقـزر ضيقـة فراقـك مـزوح=هذي سنـه والعلـم عييـت اصيـده
عـقبك قصيدي يسجعه نايـح الـدوح =وعـقبـك تـرى ماللشرايـد شريـده
وعقبك لو اخفي ضيقة الصدر مفضوح=كـلـه لعينـك يالمـهـاة الفـريـده
مضرم عليك ودلـة وصالـك تفـوح=فـي جنبهـا جمـر وتحتهـا وقيـده
والحين تبغى الوصل والا تبـا تـروح=بعد سمعـت اغلـى واخـر قصيـده [/poem]




صح للسان ابن مريبد على الابداااع

تــحــيــاتـــي

صح لسان الشاعر محمد بن مريبد على الابيات الجزله والتي تعبر عما بها ......
ولاهنت حكيم على النقل ولاختيار المميز
والى الإمام

حكيم
تسلم يميناك
وبارك الله فيك
ولك تحياتي

علي بن حبيب
شكراً ع المرور الرائع لاعدمنا طلاتك0

وسام العبسي
شكراً لك ع المرور الذي انار صفحتي لمتصفحي

صح لسان الشاعر القدير / محمد مريبد ، قصيدة مميزة و شاعرية شهد لها الكثير .

حكيم الزمان

سلمت أناملك على النقل الرائع .


تحياتي .

صح لسان شاعرها..

وسلمت يمين ناقلها:/،

حكيم كما عودتنا قمه بالذوق واختيار راقي ,,

دام وجودك ...

وعقبك لو اخفي ضيقة الصدر مفضوح

..,؛<(ع الجرررررح)

ربي يعطيك الف عافيه ويسلم دياااتك:؛