لاضاقت الدنيا

، .. لا ضاقت الدنيـــا .. ،؛،
لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد


----------------------------------------
،؛،.. الــبـارحـــة ..،؛،
البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

وسجــّــل لنفسك في المساجد تواجد ،،

.
كم أعجبـني أبيات هذه القصيده والله انّ شاعرها"ابن فطيس"
لهو ُمبدع وناقل الابداع عنده حس ابداعي ايضاً ./،





صح لسان الشاعر

وسلم بنانك "سلمان"

على هذا النقل..

يعطيك العافيه..

المشاركة الأصلية كتبت بواسطة بنت رجال

وسجــّــل لنفسك في المساجد تواجد ،،

.
كم أعجبـني أبيات هذه القصيده والله انّ شاعرها"ابن فطيس"
لهو ُمبدع وناقل الابداع عنده حس ابداعي ايضاً ./،





صح لسان الشاعر

وسلم بنانك "سلمان"

على هذا النقل..

يعطيك العافيه..

بنت رجال لك الشكر الجزيل على مرورك العذب

فارفع يديك لخالقك لا توضيت ..
.. وادعو تراك أقرب إليا صرت ساجد

ابداع بابن فطيس صح الله لسانه

وشكراً على نقلك المميز واختيارك الرائع لاهنت

المشاركة الأصلية كتبت بواسطة سيف المهيمزي

فارفع يديك لخالقك لا توضيت ..
.. وادعو تراك أقرب إليا صرت ساجد

ابداع بابن فطيس صح الله لسانه

وشكراً على نقلك المميز واختيارك الرائع لاهنت

سيف لاهنت على المرور المشرق

الله يعافيك سلمان على النقل
وصح الله لسان الشاعر
الكبير محمد حمد ابن فطيس
تقبل مروري

مشكوووووور والله يعطيك الف عافيه