الا ياوجودي

الا ياوجودي وجد مـن فاجـأه ديّـان == برغم اعتزال الناس من كثـرة اديونـه
بعد ما فضى جيبه وكفه وحالـه شـان == تناسـوه ربعـه كنهّـم مـا يعرفونـه
تناسوا مواقيفـه ولا كـن شـيٍ كـان == على غير ما ترضى الكرامه يحدونـه
وهو كان منقع طيب منهل وفا واحسان == فلاشـك عّـوان الزمـان ايتحـدونـه
رفع كفه الخالي الي الخالـق الرحمـان == عقب ما تصافوا كلهم ظلم مـن دونـه
سريع الفرج كافل برزقه جميع انسـان == قبل طلبته واعطاه ما خيّـب اضنونـه
على اللي سلب عقلي بسلهامة الاعيـان == على العهد لو تبعد نحاياه مـا اخونـه
الى جيت باادله من خياله بعض الاحيان == يذكرّني القمري على الغصـن بلحونـه
يذكرّني القد المخصّـر وهـو مليـان == تعزّال رسلانٍ علـى الضـو مركونـه
يتيم الوصوف وليّن العود غصن البـان == جميل المحيـا والحجاجيـن مقرونـه
الى اوما بليل امجدله من على الامتـان == تخيّلـت كـن الليـل ممسـاه بمتونـه
والى طاح واسترسل وبانت لي الاوجان == تخيّلت نور الصبح وان الشفـق دونـه
لها بنّة العطّـار واحكايـة المرجـان == مع اللول والرمّان كـن البـررد لونـه
معا ذا ..ولولا الميز باقول بنت افـلان == على شان مثلـي لاعشقهـا تعذرونـه

سلمت أناملك يا لافي على هذا النقل المميز و صح لسان شاعرها .

تحياتي لك .

صح لسان شاعرها وسلمت يمين ناقلها

صح لسانك

صح لسان شاعرها وسلمت يمين ناقلها
تحياتي لك

صح لسانك ومشكور اخوي وتحياتي للجميع وتقبل مروري...