حقوق مهضومه

السلام عليكم ورحمة الله وبكاته
هنا وجد هذا القسم للنقاش والحوار الهادف الي يهم المجتمع
طيب انا راح اتناقش معاكم في موضوع ممكن فكاهي شوي
بس فعلا يتكلم عن بعض الامور والعوايد الي اعتبرها تخلف وهضم للحقوق بالذات عندنا وخصوص حنا يالمهيمزات
يالله نبدا
والله مقدر اشرح الا بالعاميه الفصحى ناسيها <<لازم الشطحه
حنا دايم متعودين انا نكرم الضيف ونعطيه واجبه مفطح وكانو قديم يخلونه يتربع على المفطح الحاله <<والله لونه خلاطه
طيب اذا جت ضيفه عندي وحد من محارمي امي ولا اختي
ولا عمتي ولا خالتي لي عنها سنه وجايه
تطمن علي وتسلم وتاخذ اخباري
انا هليت ورحبت وجتني دموع الفرح
وممداني اخذ علومها الا انا رايح سوق الغنم وشاري هاك الذبيحه
الي تطلق الوجه والله وجيبها وخلي المره تطبخها
ودق على جيراني وخوياي الي كل يوم وجهي في وجههم
اربع وعشرين ساعه متقابيلن وعزمهم طيب حق وواجب
للحين فعلي غانم
الحين يا اعضاء عرفتم المثال الذبيح لمين
الذبيحه لاختي جايه من بعيد ولي عنها سنوات ماشفتها
طيب يوم جا وقت العشاء
قلطت المفطح براسه وكله لخوياني الي انا مقابلهم كل وقتي
ووخيتي الي عانيه من بعيد الديار وجايب الذبيحه عشانه قلطت لها الكرعان والرقبه وقطعة جنب
شرايكم منهو الي يستاهل المفطح الضيفه ولا اخوياي الي مقابلهو
كل الوقت

............................
رايي انا
اني اذا حصل معي الموقف هذا اجيب الذبيحه لاختي
ولا اعزم احد ابد هذا اذا انا استحي من اخوياي
واذا لزم الموقف اعزمهم والله ماجيب المفطح عندهم
ولا يحلمو فيه لو يزعلو ويجيبو من القصيد لين يدوخون
اهم شي اني ارضيت وخيتي ولا اخوياني ان جت الملزمه
ماينفعون طيبهم على الصحوووووووون بس
1_يجب اتخلص من هذه الظاهره ولازم نحاربها
ولا احد يقول اختي احط عندها حلوى وفطاير وحركات
خلاص اذا جبت حلوى والامور ذي لا تجيب ذبيحه
انت نيتك يوم جبت الذبيحه لاختك والاعمال بنيت عشان
كذى لاتخرب نيتك ثم والله ماتكتب لك ولا حسنه
وانا ناقشت الموضوع مع بعض الشيبان وقتنع
وقال كلام واقع

.
يالله عطوني رايكم ولا ابي هياط ابي كلام عقلاني
وتراي متابع ومستعد للمناظره<<واثق

بصرآحه رايي مثل رآيك اذكر لما تجينا عمتي ويعزم ابوي رجال يقلط المفطخ عليهم ...شوف هو صدق هذا هضم لحقوق اختتتك بس بنفس الوقت لازم تظهر بالصوره الزينه عند اخوياك ..

انا اتكلم عن المراه شوف ترى نحنا يالحريم مانهتم بمثل هالامور ووالله آخر همنا الاكل او الذبيحه ..يعني اكتفي بحفاوة اخوي لي وانه ذابح هالذبيحه من شاني وعأرم الناس من فرحته باخته...ووالله لو قلطتها على رز لحاله مايهمها لان كل اللي نبيه فرحة اهلنا لأكثر وكافي الشعور عن كل شي..

وعآدي نحنا عارفين ومقتنعين ان الرجال لازم يقلطون على مفطح (فعيب انك تجيب رجال وتقلطهم على شي مو من مقامهم يعني اذا الرجال عندك لازم تتحفى وتشرف نفسك )....


لكن انا أييدك ان المفروض بهالحلات انك تسوي العزيمه خاصه لأهل بيتك بس وكذا اصلا حتى عشاكم وجمعتكم بيكون له لذه ..

{هيآط كلامي خخخخخ بس هذي وجهة نظري لأكثر ..


مشكور على الموضوع والنقاش ربي يسعدك ويخليلك آختك ويديمك بآحسن حآل يارب ..

حتى انا ما اهتم اذا جيت ضيف لو قلطول لي دجاجه بس الواجب اتكلم عنه
ماعلي من الحفاوه والقدر القدر مخبور بس ليش اخلف الامور عن موازينها
قول المفطح يقلط للحرمه الضيفه زي مايقلط للرجال الضيييييييييف
مشكوره على المداخل بس وسن التقييم

والحين اختك من اللي قال لها تجي لحالها >>>> متوهق

والله بقلط المفطح للرجال اما اختي بقلط عليها اللي الله قسم لها
لان المره معروف وشو اللي يقلط عليها من عام عنتر وابو زيد الهلالي
وبالنسبه لهضم الحقوق مش انا اول واحد يهضمه غيري هو من اسس
هذا السلم واحنا على اثر ماقبلنا من اجداد .....الخ

وجهة نظر ولكل شخص وجهة نظر


اشكرك على النقاش النكبه >>>> قلت لك متوهق


مودتي

اقتباس:
المشاركة الأصلية كتبت بواسطة اسير الصمت
والحين اختك من اللي قال لها تجي لحالها >>>> متوهق

والله بقلط المفطح للرجال اما اختي بقلط عليها اللي الله قسم لها
لان المره معروف وشو اللي يقلط عليها من عام عنتر وابو زيد الهلالي
وبالنسبه لهضم الحقوق مش انا اول واحد يهضمه غيري هو من اسس
هذا السلم واحنا على اثر ماقبلنا من اجداد .....الخ

وجهة نظر ولكل شخص وجهة نظر


اشكرك على النقاش النكبه >>>> قلت لك متوهق


مودتي
ليش تجي لحاله اختي
ياخي هذا مثال انا اقول اي محرم لي طيب انا اعطيك مرسل ولدي وجابها زوجها عيا يجيبها بس وصلتك المعلومه..
طيب سلم من عهد عنتر وبو زيد
ياخي لكل زمن اهله
طيب السلم والعوايد من عنتر وبو زيد
طيب ليش تحافظو على العوايد اتافهه ولا تحافظو على العوايد الي فعلا يجب اتحفظ عليها الي يوم القيامه
يعني بعهد عنتر وبو زيد مكانت مع المره بلاك بيري ودردشه والنت وعباة كتف
ومحاولة السماح بقيادة المرئه التي ستجلب تبعيتها الفسادولو كان ذا في زمنهم كان ذبو راس البنت ولا قطعو لسانها ولا ذا تقدم وتفتح والمفطح لا مايقلط للمره حفظ للعوايد
يأبني لكل شيئ حكمه ونحن لا نبحث عن المظاهر والرياء نبحث عن الصدق بالقول والعمل واخلاص النيه .

انا متنازل عن السلم حق عنتر وابوزيد خله يموت معاهم
ومحافظ على السلم والعوايد الي حثني عليها قدوتي ورسول الله المصطفى الي مايسوى عنتر وبو زيد ماطى رجله لو ارخي حبلها تندمت على العواقبها .

مرورك جميل ومشكور على المداخله ربي يسعدك ويخليك

موضوعك جا في وقته
احنا شعب لنا عادات وتقاليد لكن ماتلاحظون ان هالعادات صارت تحكمنا اكثر مما احنا نحكمها قصدي هنا باكرام الضيف وانواع الاكل الي لازم يتقدم طيب الاكل الي راح يروح لسله المهملات هل راح نتحاسب عليه والا ديننا قالنا اكرام الضيف فوق كل شي هل التكلف الزايد ووجود القهوه والحلا والشاهي والمكسرات وبعدها العشا هو اساس الضيافه في ديننا وهل هي عاده حلوه او احيان يكون سبب في بعد الناس عن هالعزايم بسبب هاالكلفات على اخوه المسلم
روى البخاري عن أبي هريرة ـ رضي الله عنه ـ قال
: قال رسول الله صلى الله عليه وسلم : (من كان يؤمن بالله واليوم الآخر فليكرم ضيفه).
قال ابن حبان ـ رحمه الله ـ: من إكرام الضيف طيب الكلام ، وطلاقة الوجه، والخدمة بالنفس، فإنه لا يَذِلُّ من خدم أضيافه، كما لا يَعِزُّ من استخدمهم أو طلب لقِرَاه أجراً [أي طلب لهذه الضيافة مقابلاً].
وكل من ساد في الجاهلية والإسلام حتى عرف بالسُؤْدُد، وانقاد له قومه ، ورحل إليه القريب والقاصي ، لم يكن كمال سؤدده إلا بإطعام الطعام وإكرام الضيف.
اشكرك اخوي طارق على الموضوع القابل لنقاش ...... انشاء الله تكون امام الحرم المكي مع السديس

اكتفي بحفاوة اخوي لي وانه ذابح هالذبيحه من شاني وعأرم الناس من فرحته باخته...ووالله لو قلطتها على رز لحاله مايهمها لان كل اللي نبيه فرحة اهلنا لأكثر وكافي الشعور عن كل شي..

كلام جميل وافي
فالكرامة تقدم للرجل وتقدم للمراءة وكلا له تقديره حتى الظيوف لهم مقامات فيما يقدم لهم حيث ان مايقدم اما ان يكون من باب القرى والمظافة للظيف او من باب التكريم والمحبة لمن توده وتغلية وسيكون لنا حديث في هذا المجال بعد ما نرأ الردود
والمشاركات بهذا الموضوع