الشاعر عبدالله بن صالح الغصاص توفي عام 1328ه

هذه القصيده اعجبت بدوي زاحف وهي كتبها صاحبها قبل زمان الكبسه والدليل الوصف
النادر بالقصيده

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسيد ربات البها تلع الا رقاب= ياعين ريماً باشهب الملح مصفوق
عرفاً وعنق وعين والخد براق= نوره شعق مابين الا فاق بشعوق
حلو اللمي مدموجة الساق بالساق= حلى الغواني والدماليج مدفوق
ابو ثمانن لابتسم مثل الاوراق=كالدر غراً من قماقيم مفلوق
هاروت سوى السحربالحاظ الارماق= يدعي تلف من بات بالغي مشفوق
سيف سطا لاهل الهوى منه دلاق= بين الحواجب والحجاجين مذلوق
أصفرعفر ريمن نفر شاف دراق= هارب رشاء ضامر حشاء زاهي الطوق
ميال حيالاً بالاعطاف عياق=عجاب لاعاب ٍتبذل بمنطوق
مياسة الا عطاف حورية أرناق= ياكعبة العشاق قصدٍ لمعشوق
من كاس كوثر مبسم فيه ترياق=خمر تسلسل من ثغرمبسم الشوق
من نور خده شعشعت شمس الا شراق= جلباب عذرا داجي الليل بغسوق
به حص به نوراً للا صباح فلاق= به روح به ريحان والصرف بالموق
غرواً شجاني بالهوى لين لي عاق=هذي نهوجي قد رماني له العوق
اليا صفى وحش الحمى لك بتيفاق= عصر الطرب وسرور الا شواق بالشوق
أقطف نوايع ماصفى لك ومالاق= من قبل لا يلحق على العمر لا حوق
وترايباٍ من لون مطوي الاوراق= والا فجماراً بالا ذلاق معلوق
والوسط به شبرمن الريش ماضاق= يسوج من صخف الحشاء تقل مسيوق
هافي خواصر نابي الردف والساق=به ضاق منقوش من الشاج مدلوق
ياغلة المرجان ياشمس الا شراق= يانور شمع صافي يقمر الموق
خوتم على قلبي من الطمس شبراق= في كاس سحراً يدعي العقل مدفوق
ياعد ولا يعطي للاقوال مصداق=لاهل الهوى هرجه من المطل مملوق
دوبه يواعدني بواف الوعد باق= توعيد عرقوب قريب ومفهوق
يوريك بايراع الهوى كتب أدقاق= مع كل مرسولٍ على السد ماثوق
اليا صفى لك ساعة مدمج الساق= أقطف زهربستان صاحبك لو بوق
من قبل يسعى لك نبا البين بفراق= دنياك لو فيها تماديت ملحوق
أنهب ولا يغويك في طيب الافاق=عصر الطرب والعمر تاليه ملحوق[/poem]

مشكور يابدوي زاحف على النقل بس عندك خطاء باسم الشاعر هو / عبدالعزيز بن صالح الغصاص من اهل عنيزه

مآشآءالله مآخلى بالوصف شي ... ..

صح لسآن شآعرهآ والله يرحمه ويسكنه فسيح جنآته..

يعطيك آلف عآفيه بدوي على الأختيار الغريب نوع" مآ .. ..
لأن هالاوصآف نآدر وجودهآ..،



دمت لغآليك وبآحسن حآل يآرب

المشاركة الأصلية كتبت بواسطة بنت رجال

مآشآءالله مآخلى بالوصف شي ... ..
صح لسآن شآعرهآ والله يرحمه ويسكنه فسيح جنآته..
يعطيك آلف عآفيه بدوي على الأختيار الغريب نوع" مآ .. ..
لأن هالاوصآف نآدر وجودهآ..،
دمت لغآليك وبآحسن حآل يآرب

بنت رجال شكراً على المرور
وبدوي زاحف اخلى مسؤليته وكتب قبل زمان الكبسه
لان هذا الزمن يسميه زمن الكبسه ماشاء الله
البطون من النعمه كبيرة الحجم

مشكوووووور والله يعطيك الف عافيه