مرشد

الحب زين





"]يناجي بها احد ابنائه الصغار أثناء مرض أمه

الورع عيا لا يوافق علـى النـوم
قـام يتهشـم ويتزايـد عويـلـه
ادوج به وسط الدكاكيـن واحـوم
ادور اللي يشتهـي واشتـري لـه
واذا نشدته قـال ماعنـدي علـوم
يقول ابي امي والسوالـف قليلـه
مالي على شيله جـلاده وتعلـوم
مير الدهر خلانـي اليـوم اشيلـه
ياعبيد لو أمك بهـا قـوة عـزوم
الورع والله ماعترض في سبيلـه
انـك لتلقانـي مكفـي ومحشـوم
وهـي بشوفاتـه بصيـر دليلـه
ياعبيد انا يابوك ضايق ومهمـوم
أضحك وفي كبدي سوات المليلـه
أضحك واوسع خاطري وابعد الحوم
واطلب عسى تالي العواقب جميلـه
شكواي للي يفرض الحج والصـوم
والا البشر ياعبيد ماينشكـي لـه
ماجور ياللي بالطبيب أمس واليوم
الله يجيرك جعـل ماهـي طويلـه
ياصاحبي لوكان بالبيـع والسـوم
كان اشتريـك وتشتريـك القبيلـه
لاشك مادبر على العبـد مقسـوم
حيل الله أقوى ما باليديـن حيلـه
ياعبيد أنا يابـوك مانـي بمليـوم
الغبن غبـن منقضـات الجديلـه
بعض النسا ياعبيد تقنيهن القـوم
واللي كسبها قـال عنـدي حليلـه
لي صاحب في وقتنا اليوم معـدوم
اليا فقدته وين ابـا القـى مثيلـه
عذروب خلي شارةٍ فيـه مرسـوم
يتبع غضب نفسه ويرضي قبيلـه
والجار يبطي ماشكى منـه مثلـوم
ولاهي علـى رواد بيتـي بخيلـه
ولاهي من اللي تطرق النزل وتحوم
[/color][/size][/font]

مشكوووووور والله يعطيك الف عافيه

يعطيك العااافيه



سهير الليالي على الا نتقاء

الله يرحمه بواسع رحمته و يسكنه فسيح جناته ، شاعر لا يمكن أن تعبر عن إبداعه و حكمته الحروف و الكلمات .

سهير الليالي

سلمت يداك على النقل المميز ، و لكن البيت الأخير لم يكتمل ربما سقط سهوا و هو كالتالي :

و لا هي من اللي تطرق النزل و تحوم ** دايم على الفرقان يومي شليلة

تحياتي .

الله يرحمة


سهير اليالي

أنتقاء مميز لا يحرمنا من جديدك


دمت كما كنت

يآلله ..
فعلآ اي رجال مستحيل يتحمل مسئولية الاطفال وقت غياب امهم ..
بجد القصيده تكسر الخاطر بقوه ربي يكون بعونه ويقوم لهم امهم بإلسلامه ..
يعطيك الف عآفيه ع الطرح والانتقاء ...
دمت بإحسن حآل يآرب ،،

مشكور ياخوي معيبدتسلم يمينك على تاكميل البيت اشكرك جزيل شكر