خوة رشيدي

السلام عليكم ورحمة الله وبركاته
أسعد الله أيامكم بكل خير أيها الأحباء الغالين
قصيده اعجبتني
للشاعر الراقي /عبدربه العتيبي
أتمنى ان تنال إعجابكم وتروي عطش ذائقتكم الشعرية الراقية

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""]
علاك الله وأمانِه ياقصيدي=من الزلات وهروج البليدي

أبا أبدع بك طروقٍ سامرية=لحنها يجذب اللي من بعيدي

ماغناّها عبادي وأبو نورة=ولا خالد ولا عبد المجيدي

لكنك لا تفشّلني دخيلك=تراني معتبرك أغلى رصيدي

ما أباك من المعاني هرج فاضي=ولا عذرٍ لمن يطلب جديدي

أباك تصير ذخرٍ لاعدمتك=وسيفٍ مثل سيف ابن الوليدي

وأباك ليا نشدني عنك خيِّر=تفيده كان يبغا يستفيدي

تفيده بالحكم وألاّ النصايح=وعطه العلم والراي السديدي

وقلّه ياولد دنياك هاذي=تراها مثل تكوين الجليدي

لعنها الله وأبغضها رسوله=ياكم فيها شقي وكم سعيدي؟‍!

مايمدحها سوى رجَّال جاهل=يجمّعها لعله مايفيدي

ولا منّك طلبته شئ عيَّا=شحيحٍ ما يمد ألاَّ الزهيدي

عن الماجوب ماغير ايتدسّس=وعلى الغرّات شيطانٍ مريدي

سوات الحصني اللي طول عمره=يروّغ لا يصاد ولا يصيدي!

وحكيم العقل يعرف خاتمتها=تواعدنا وتكذب في الوعيدي

متاعٍ عند خلق الله موقَّت=كما وقتٍ يجي فيه الزبيدي

مافيها غير ثنتينٍ خيارا=وثالثهن ترى ماهوب أكيدي

ذكر ربي ومحبوبه محمَّد=هي أفضل شئ في دنيا العبيدي

وثالثهن ليا ماخاب ظنّي=مخوّة طيّب الأصل الفريدي

هذاك اللي يعزّك مايذلّك=لاصارت خوّته خوّة رشيدي!!

بدون قصور في باق القبائل=هل الطالات والفعل الحميدي

هذا عرفي وما يمليه رايي=وعرفي كان ما ينقص يزيدي

لكنه مايزيد اعن العوارف=أنا أردا واحدٍ عرف وقصيدي

أقوله ماعليّ من الملامة=أنا أعرف وش رداي ووّيش جيدي

ولا أخشى من فلان ولا فلاني=ولا أناديه ياعمي ياسيدي!

ما أخاف ألا من الخلاّق وحده=غفور الذنب وعقابه شديدي

ترا هاذي نصيحة واقبلوها=مادام الموت في حبل الوريدي

وخير القول كله طاعة الله=ياويل اللي عن اكتابه يحيدي
[/poem]

وسلامة قلوبكم
وصح الله لسنان الشاعر الراقي /عبدربه العتيبي مدد لاعدد

صح لسان الشاعر الجزل عبد ربه العتيبي ، قصيدة رائعة تروي عطش المتذوقين للشعر .

عايض الرشيدي

بارك الله فيك على هذا النقل المميز .

ملاحظة : يا أخ عايض أغلب كلمات القصيدة طالعة عندي مسبوقة بحرف الباء ما أدري المشكلة بجهازي و الا عندك يا ليت الأخوان يفيدوني هل طالع عندهم مثل ما هو طالع عندي ؟

لك أرق تحية .

اقتباس:
المشاركة الأصلية كتبت بواسطة معيبد الرشيدي

صح لسان الشاعر الجزل عبد ربه العتيبي ، قصيدة رائعة تروي عطش المتذوقين للشعر .

عايض الرشيدي

بارك الله فيك على هذا النقل المميز .

ملاحظة : يا أخ عايض أغلب كلمات القصيدة طالعة عندي مسبوقة بحرف الباء ما أدري المشكلة بجهازي و الا عندك يا ليت الأخوان يفيدوني هل طالع عندهم مثل ما هو طالع عندي ؟

لك أرق تحية .

ياهلا وغلا
يابو شعبان انرت متصفحي بمرورك العطر
صح بدنك من كل شر
أشكرك جزيل الشكر على حضورك ويسعدني مرورك الراقي
اما بالنسبة لملاحظتك السبب طال عمرك من المتصفح حقك ناقصه اعدادات لازم تسوي تحديثات احيان لم يطلع حتى القصيده تختفي نهائياً لكن أذا متصفحك فيرفكس حمل آخر اصدار وهو النسخة 12 واذا هو بأرضه اكسبلورر الاصدار 8 فيه نسخة بهذا الاصدار فيها خلل يجب عليك اعادة تحميله من موقع مكروسفت .
أنا عندي متصفح اكسبلورر 8 وعندي متصفح جوجل كروم الاصدار الاخير و عندي متصفحين للفير فكس واحد اصدار 12 والثاني فيرفكس أورورا اصدار 13 والجميع ممتازات ولم اجد هذه المشكله
أتمنى ان افدتك ولو بالشي ء القليل حسب معرفتي البسيطه
وتقبل فائق إحترامي وجل تقديري لك
دمت بحير وصحة وسلامة

ابو عارف صح السان شاعرها وسلمت يمينك على الا نتقاء الرائع

انتقاء مبدع من مبدع ونحن نستمتع مشكور أخوي /أبو عارف
أخي /معيبد كلامك صحيح عندي مثل ماعندك

المشاركة الأصلية كتبت بواسطة المتعمق

انتقاء مبدع من مبدع ونحن نستمتع مشكور أخوي /أبو عارف
أخي /معيبد كلامك صحيح عندي مثل ماعندك

عندي المتصفح اكسبلور ولافيها اي شي تاكد من جهازك

صح لسااانك و مبدع و مميز ي عاايض ...
بانتظاار جديييدك و ابدااعك ..
تحياااااتي ...