ليتني ماقلت احبك ليتني

وش يهمك؟ليه غبت! ووين غبت؟ وليه جيت..
دام ما هزّك غيابي؟ وش يهزك.. لا لفيت!

ما تعوضني دموعك؟عن صدودك؟ والجحود..
ليتني ما قلت أحبك؟ ليتني لك.. ماحكيت!

ليتني ما جبت طاري؟ ليتني.. ريحت بالي؟
وليتني في مثل حبك؟بالمحبه.. ما وفيت!

كنت مفهم بالخيانه؟ كثر مسمع.. بالخيانه!
وكنت وافي بالمحبه؟ كثر ما عني.. سليت!

وكنت أشوف الناس مثلي؟ غلطتي وأكبرذنوبي؟
ايه لاني بالمحبه! في هواك انت.. ابتليت؟

ايه لاني! في عيوني! كنت أشوفك شي ثاني؟
وش أشوفك شي ثاني؟كنت ملكك! ما حييت..

كنت أردد في غيابك.. أجمل بيوت القصايد..
كنت أررد (من يقول؟ اني بنسيانك.. نويت؟)

ثم أردد (وان قويت أنساك ؟ نسيانك صعب!)
وكنت أرددها بصوتي؟ في غيابك.. بيت؟ بيت؟

وطحت من عيني؟حسايف؟ من مكانن كنت فيه؟
ما رقا به شخص غيرك؟ لا ولاغيرك.. رضيت!

لأنك أول شخص عندي؟ وآخر انسان(ن) أبيه؟
ولأنك انت اللي ملكني؟ ولأنك انت اللي قويت!

يسكن بوسط الحنايا؟وان جرح قلبي؟ يمون!
ساكنن وسط الخفوق؟ وفي عيوني له مبيت..

جفني الأول فراشه؟ وجفني الثاني غطاه..
ولو عطيته كل عمري؟أعتبرني ما عطيت!

كنت مفرط في حناني؟ وكنت مفرط بالغرام؟
لين صرت انسان عادي؟ في عيونك لوبكيت!

من غلاتك؟ من قساتك؟ من جحودك؟ للوفا؟
من ضياع سنين عمري؟ وأروع أحلام(ن) بنيت..

أصبحت مثل الحطام؟ اللي تطاير في هبوب!
ودي أستدرك شتاتي؟ لا ضميت؟ ولارويت؟

غير حبك؟ يوم حبك؟ ضيّع سنيني معاه..
حسبي الله..ان صدفتك؟ وحسبي الله ان طريت؟

وين ما لديت وجهي؟ ألمحك تضحك علي؟
ألمحك تضحك علي؟ وغير ربي؟ ماشكيت!

مات قلبي وش بقى بي؟ أسألك بالله حي؟
والخفوق اللي رميته؟ في هواك اليوم ميت!

كيف أنسى؟وكيف أسلا؟ أسألك بالله كيف!
ولو اقول اني نسيتك؟ يعلم الله مانسيت!

طعنتن أدمت جروحي؟ من كفوف اللي عطيته!
كل شين في حياتي؟ وإعتبرني ما عطيت!

أكرهك؟ وأكره حياتي؟ وأكره سنيني معاك؟
وأوعدك ما احب ثاني ؟ طول عمري ماحييت!

وش يهمك؟ ليه غبت! ووين غبت؟ وليه جيت..
دام ما هزّك غيابي؟ وش يهزك.. لا لفيت!! ~

صح السان شاعرها
و سلمت يمين نقلها
أن دل إنــما يدل ع حسن الاختيار وذائقه الرفيعه
أجمل تحيه.

اشكر مرووورك الغالي
ودي لك واحترامي لسموك

يسلمووووووو ع النقل الاكثر من رائع
أجمل تحيه لشخصك الكريم .

مشكوووووور والله يعطيك الف عافيه

كنت مفهم بالخيانه؟ كثر مسمع.. بالخيانه!
وكنت وافي بالمحبه؟ كثر ما عني.. سليت!


..... تسلم يدينك.....

وطحت من عيني؟حسايف؟ من مكانن كنت فيه؟
ما رقا به شخص غيرك؟ لا ولاغيرك.. رضيت!

جميل جداً اختيارك

تحيتي