عطر سيد جنيد

على قلبي زعلت شلون يوم أقول طيعه طاع ..!
يا قلبي ما هو كل شي أباقوله لك تطيعه
يا ليتك قلت لا بالله .. ودروب الحياة وساع
وش يحدك على طيشه وتطنيشه وتلويعه.؟
عطر سيد جنيد.. الجخ ماله في الكويت اسناع
يجي فأرض المعارض وقت ويصفي على البيعه
مع غير اهله لاهوب لا يشرى ولا ينباع
يعتَّق في خدود الغيد لين يعاد تصنيعه
وأنا خلي خذا له من عطر سيد جنيد اطباع
خذا سحره وخلى له مبيعاته وتوزيعه
يالبيه وفمان الله .. في ليله لقا ووداع
رحمني يوم ما خلاني استاجع بتوديعه
أصوت له أدور له .. أبي فيه .. أتلفت .. ضاع
فقدته من ثلاث سنين والضيعه هي الضيعه

فلا مني سمعت أيوه أنا قلبي عليك التاع
دريت إن الهوى ضيعاته أكثر من منافيعه

عطر سيد جنيد.. الجخ ماله في الكويت اسناع
يجي فأرض المعارض وقت ويصفي على البيعه



اهو لو يفتح فرع بالكويت جان محد ركض على بضاعته بأرض المعارض

واكتفت النااااس بمحله


صح ذوووقك واختيارك الجميل


تحيتي

يسلمو فرج ع الانتقاء الجميل

صح السان شاعرها وسلمت يمين ناقلها


أخي فرج كما عوتنا ع الابداع بفن الذوووق ..

اختيار له رونق خاص يحمل الابيات والكلمات الجميله ..


أجمل تحياتي بئريج الود ..

دريت إن الهوى ضيعاته أكثر من منافيعه

صح لسان قاالهاا وتسلم يمناك على النقل المميز

وبعدين كفاايه ان في القصيده أسم الكويت هو الي محليهااا فديت ديرتي

عطر سيد جنيد.. الجخ ماله في الكويت اسناع*يجي

فأرض المعارض وقت ويصفي على البيعه*

وأنا خلي خذا له من عطر سيد جنيد اطباع
خذا سحره وخلى له مبيعاته وتوزيعه

ابو عبد الله

قصيدة راقت لي اختيار راااقي كحضورك الداااائم .. فأنت تميزت بما نقلت

دمت بالف خير

عازف

صح لسانك ومشكور اخوي على النقل وتقبل مروي تحياتي لك وللجميع ...