فجٍ الخلا لاضـاق صـدرك علاجـه

الشاعر مجعد بن متعب الخميلي الرشيدي

هذه القصيده راقت لي ولامست بعض الامور فحبيت المشاركه بها

دار الهواء فـوق الشجـر بإندراجـه

وانا هجوسي تتبعـه كـل مـاراج

القلـب نسمـات العليـل ابتهـاجـه

والفكر خلتـه الدواكيـك مسهـاج

فجٍ الخلا لاضـاق صـدرك علاجـه

يغنيك عن بعض المجالس والازعاج

سحابـة البـارح قفتهـا عجـاجـه

يلعب بها صلف الهواء مثل الامواج

هبـت هبـوب مدوريـن اللجاجـه

يفرح بزلة صاحبـه كـل هـراج

من غير سبـه عاقـدٍٍ لـك حجاجـه

لو إن ماله مع هل الطيب مـدراج

اثر العـوج دايـم يحـب العواجـه

لو ينعدل يرجـع لساسـه وينعـاج

مايستـوي طعـم القـراح وهماجـه

ولا يستوي نقع الصفا مثـل هـداج

الله ولا منـة محـسّـب خـراجـه

شين اللغا ومن البطر لابـسٍٍ تـاج

والله مايذبـحـك يـاكـود حـاجـه

لاصار في وجهك حيا وانت محتاج

بالعسـر يسـر وللهمـوم انفراجـه

يجيلها من والي العـرش مخـراج

ارفـع يدينـك للسمـا ثـم نـاجـه

يظهرك لو دونك شرابيك واسيـاج

عاشق القصيم الله يعطيك العافيه على النقل المميز
وصح لسان الشاعر/ مجعد بن متعب الرشيدي
تحياتي لكـ

الله يعطيك العافيه ع القصيده الرائعه
ولاهنت


تقبل مروري

عاشق القصيم صح الله لساااااان الشاااااااعر مجعد الرشيدي وهو شاااااااااعر غني عن التعريف
وسلم الله يدك على النقل المميز
واسمح لي بنقلها إلى القسم الملائم لها

عاشق القصيم الله يعطيك العافيه على النقل المميز
وصح لسان الشاعر/ مجعد بن متعب الرشيدي

مشكوووووور والله يعطيك الف عافيه

اثر العـوج دايـم يحـب العواجـه




لو ينعدل يرجـع لساسـه وينعـاج

صح السان محمد الخميلي نعم مشرفنا ابو خالد محمد غني عن التعريف

وسلمت اناملك عاشق القصيم

تقبل تحيياتي بالود والاخأ