الليل ستر اللي ماهو يقدر ينام

السلام عليكم

وجيناكم من غلاك

...

الليل ستر اللي ماهو يقدر ينام
..................وأنا زبنت الليل هم ومخافه

قدّام ياسهادي من اليوم قدّام
................طرفي خويك يالسهد لو تعافه

واللي فقد غاليه ياشين مايلام
..................فارقت من فرقاه للروح آفه

وجدي على من قسمت فكري أقسام
.................وجد اليتيم اللي مايلقى لحافه

رحتي وعذرك عذر بعيون الأيام
.................مايلحقك لومي لكن ياحسافه

ماهي تعوضني بشرواك الأنام
................الله من موت الأمل والصلافه

عليك صدري بالوله يرزم أرزام
.................ولذكرياتك بالخفوق أنعزافه

ماحلى بدايات العمر بأول العام
............ومأقسى ليال العمر بأخر مطافه

أذكرك ويخون الورق حبر الأقلام
............يا أبلغ من الشعر الحقيقي وقافه

أنتي صحيحٍ ماتجي حوله أوهام
..............أنتي سموٍ كل الأسماء خلافه

طيبتك طيبك غيرتك عقلك التام
..............دينك و لينك والحلا واللطافه

براءتك ضحكة ثغر حلو الأحلام
.............بعيون من للياس بان انجرافه

ضحكتك طفله لبسها الطهر هندام
...........طهرك من أعماقك كريمٍ رعافه

نسيانك بوجه الغلا مقسم أقسام
................مايمر بالٍ فيه ماله ضيافه

أول على صوتك عن همومي أنام
............ واليوم طريا النوم هم وكلافه

بأخذ من أيامي على حبك وسام
........وأخذي من أعماقي غلاي وعفافه

..........

عبدالله عواد

صح الله السانك واعتلى شانك

صح الله السانك واعتلى شانك

عبدالله عواد

صح السانك وسلم بنانك
ابيات جزله من راس جزل
لاعدمناك في منتداك

تحييييياتي

الشاعر / عبدالله عواد

صح الله السانك ملاييين على هذه الرائعه

جمييل اخي عبدالله وبأنتظار كل ماهو جديد

تقيييم اعلى *****

صح لسانك.. ومشكور

مشكورويعطيك العافيه