ثويمر العجوني و مسعد القصير

ثويمر العجوني
يامرحبا ترحيب من قلب ولسان = الأهلي والضيف يامرحبابه
هذأ القصير من طويلين الايمان= لاطب وسط السوق باع وشرابه



مسعد القصير
تبقون ياشجاعان وعيال فرسان= ولكم مبين الناس قدرومهابه
اثويمر يخطط لخاتم سليمان = لكن من دونه جيوش ورقابه



ثويمر العجوني
حلت مشاكل والعرب كانو اخوان= وتفرقت عرب كانت قرابه
حناوضعنا للبلاجيك نيشان= ويبين الرامي دقيق الاصابه



مسعد القصير
مدام نصر الله نكب شعب لبنان= بكره تراء خنذف تصبح شبابه
يالعجوني كب البنادق على شان = نمشي على نهج النبي والصحابه



ثويمر العجوني
ماهي غريبه عبس وعيال ذبيان = سوو على الغبراء وداحس حرابه
عزالله انه صار لشعر عنوان = ياحلو من مسعد مرد الاجابه




مسعد القصير
لاتخاف دام المال ترعاه رعيان= ياليت ابن وائل يريح ركابه
لكن حذرك تامن الذيب سرحان = الذيب ياكل في ضروسه ونابه




ثويمر العجوني
الخوف مامن خوف وقت امن ومان=وانته وبن وائل عزيزن جنابه
مافيه طير يطير من غير جنحان = والذيب مايخوفه صوت الذيابه




مسعد القصير
بحر الخليج اغراك لولو ومرجان = ياكم خليجي ساتراته ثيابه
وختامها صلو على نصل عدنان = على الرسول اللي مطهر كتابه

صح الله السنتكم جميع

صح لسان الشاعر ثويمر الغني عن التعريف وايضا الشاعر مسعد القصير

صحت السنتكم جميعا ..

و بارك الله فيكم ..

محاوره رائعه ...

تقديري ...

يعطيك الف الف عافيه

على هذا الطرح الرائع

والمجهود المتميز

تحياتي لك