ঔღঔ… سنين اطالع البارق وقـول ان المطـر محتـوم … ঔღঔ

ابيات مميزه للشاعر الكبير
حامد زيد من اروع قصائده
اترككـمـ مع الابياات



تعودنا على حمـل الجمايـل والزعـل واللـوم
ولا نرفض عتب غالي ولا نزعل مـن جدالـه

تمنينا حوز اغلـى مكانـه فـي وجيـه القـوم
ونعيش الخـوه بوقـت يضـد رجالـه رجالـه

تعلمنـا مـن الدنيـا وزدنـا للعلـوم اعلـوم
وسقنـا للـدروب قلـوب رجلـيـه وخيـالـه

وقفنا للزمن وقفـة شجاعـه والقـروم قـروم
الين ان صـار واحدنـا بديـل اقوالـه افعالـه

الى منه خـذا ياخـذ مثـل ماياخـذ المحـروم
والي منه عطا يعطي ولو مـن لقمـة اعيالـه

ولا بتنا ولـو باتـت رحايلنـا بـدون عـزوم
نساوم للفخر بارضه ولـو بـأي مـن اشكالـه

ولا عفنا ولو شفنا على بـاب النهـار سمـوم
ولا خفنـا ولـو طفنـا بمخراجـه ومدخـالـه

واذا شفنا عناقيد العنب فـوق الشجـر ملمـوم
نهز غصون عنقـوده واذا ماطـاح نرقـا لـه

نصبر بعضنا بالكذب الابيض والهـدف معـدوم
ونقول انا وصلنا له لو انـا مـا وصلنـا لـه

وانا واحد من اصغرهم طموح وللطموح رسـوم
على وجهي مثل قولـه بغـى شـي ولا نالـه

عطيت ولا رضيت اخذ من سلوم البخيل سلـوم
ولا عمري رضيت اقعد على قلب العرب عالـه

ولا ارضى بالفخر فزعه وجواسيس وكلام رخوم
ولا عمري حنيت الوجـه بعـد المجـد لحثالـه

غناي الله وانا رجـل عزيـز مقـدر محشـوم
قنـوع بالقـدر وان قلـت فـال الله ولا فالـك

بسيط يرمي حموله على متـن الجبـال همـوم
بوقت الاسـف عيـت تطيـق همومـه جبالـه

بوقت نزل خشـوم ورفـع مـن رداه خشـوم
وخلـي قيمـة الرجـال بيـن النـاس بريالـه

صحيت وقلت للنايم بعـد ماقـام صـح النـوم
زمانـك ماعطـاك إلا صـور وحطـام تمثالـه

سنين اطالع البارق وقـول ان المطـر محتـوم
وهو ما مد لي كفـه وانـا مـا طلـت همالـه

أرد اكذب على نفسي واقول ان النخل مفطـوم
وهو ما بالنخل عذقي عطـش مـاذاق شلالـه

وانا مابي من البارق هماليـل ومطـر وغيـوم
ولو ذقـت العطـش بعيـون طرقيـة ورحالـه

تعلمت الصبر من كنت طفلـي بالمهـد مزمـوم
إلين ان صرت رجل لا أنتخوا به طوح اعقالـه

وانا ما احلف بعد عمر طويل بدفنتة المرحـوم
بقـول الله ولا غيـر الله الرحمـن نلجـالـه

ومثل ما بالمطر خوه الي من اهل كـوم وكـوم
انـا قلبـي بعـد يقـدر يـدك البيـد بلحالـه

واذا اسمي واصل الدنيا قبل لا القى الحياه بيوم
ابتكرها وانا اسمي يضـرب التاريـخ بامثالـه

واذا ربعي وهم ربعي تناسوا حقـي المهضـوم
بعيش اشره على قلبي قبل ارثـي علـى حالـه

واذا كفي طعن كفي برأس الخنجـر المسمـوم
بعرف ان النصيب اقرب مـن الرجـال لظلالـه

مدام ان الزمن خلا الشجـاع بوقتنـا مهـزوم
اجل خلو ضعيف النفس يقصر شـرة اشوالـه







اتمنى ان تحوز هذه الابيات على رضاكـــمـ
اخوكــمـ
سعد المهيمزي

صفاوة قلب >>>>>>>>>>> سعد المهيمزي

اختيارك دوم ذوق

لانك منبع الذوق

تسلم يمينك

والله يعطيك العافيه

تقبل مروري

كن بخيرا

بدوي فااااهم

الى منه خـذا ياخـذ مثـل ماياخـذ المحـروم
والي منه عطا يعطي ولو مـن لقمـة اعيالـه

أختيارxتميز+ابدااع= سعد المهيمزي

صح لسانــــــك وصح لسان الشاعر
ابيات مليئة بالأحساس والجمال
والابداع وتقبل مروري ولك
مني ارق تحية وتقبل
مروووووووري
وشــكــراً

صح لسان الشاعر
وكل الشكر لك على النقل

بدوي
اسير الشوق
سيف المهيمزي

اشكركم احبيت على مروركم الرائع
وعلى تواجدكم المميز
دمتم دائما بحفظ الله

وياااك ان شاء الله

لاعدمنا جديدك اخي سعد