يا رب مابي من رجاء رحمتك يأس=ولاني من الشيء المقدر جزوعي

إلى الشاعر الشيخ/خليف بن خزيم الوهيداني مع التحية







[poem=font="arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا خليف عصر الإربعاء برؤوس الأطعاس=شانت وزانت يإبن عمي طبوعي
وأنا أعرفك يا خليف شاعر وحساس=واللي حصل ما بين غصبي وطوعي
ما صار لأبو دباس في غيبة دباس=غير على عيوني ملامح ربوعي
أضحك وقلبي فيه للضيم مجلاس=وعروق قلبي من بعضهن مزوعي
أسمع صدى الكتمان في بوح الأنفاس=ودقات قلبي مزملاتٍ ضلوعي
يا خالقٍ خلقك بقدرٍ ومقياس=ومن العدم توجد بديع الصنوعي
ما توجده بالنون والكاف ما يقاس=سهلٍ عليك معجزٍ للجموعي
يا محصيٍ في علمك أصناف وأجناس=محصي عددها بين كمٍ ونوعي
يا خالق آدم خالق من آدم الناس=يا واسع مأنت بعبيدك قطوعي
يالواهب المانع ولا لملكك قياس=منعك ما يعطى ولا لمدك منوعي
عبدك ولد عبدك فطرته على ساس=ويدعيك من ساسه قدىً للفروعي
وروى ظمأ شفاهٍ من الذنب يباس=يا من بليا حول سديت جوعي
يا رب مابي من رجاء رحمتك يأس=ولاني من الشيء المقدر جزوعي
يا رب بدل وحشة القلب بأوناس=قربي منك في سجدتي وبركوعي
أستأنس بقربك تحت جِّنح الأدماس=وأستشعر الرحمة بقاطر دموعي
فيك إعتزازي حَرز عن كسرة البأس=وبحماك أمان النفس عن ما يروعي.
[/poem]

صح لسانك عودة الماضي على الابيات الشامخه شموخ الجبال ارواسي
من شاعر جزل ولا يكتب لا الجزل من الابيات الشعرية

اقتباس : المشاركة الأصلية كتبت بواسطة لافي بداي [ مشاهدة المشاركة ] صح لسانك عودة الماضي على الابيات الشامخه شموخ الجبال ارواسي
من شاعر جزل ولا يكتب لا الجزل من الابيات الشعرية

] صح لسانك عودة الماضي على الابيات الشامخه شموخ الجبال ارواسي
من شاعر جزل ولا يكتب لا الجزل من الابيات الشعرية

صح لسانك على الابيات الرائعة
ويستاهل الشاعر خليف
واتمنى منه الرد

عودة الماضي

صح الله لسانك مليون ولايسدون

جزله من شاعر جزل

ننتظر جديدك

لك ارق تحيه

عودة الماضي صح لسانك واالله لايهينك على الموضوع المميز

شاعر رسم الابداع حتى جعل للاحرف السنه صح لسانك حتى ترضى

تقبل تحياتي والموضوع يستاهل التثبيت