مفتوح باب الرجى لو هب مليون ريـح

مفتوح باب الرجى لو هب مليون ريـح
والريح ماتاخذ الغرسـه مـن عروقهـا
القوس مكسور والرامي يقـوم ويطيـح
والسهـم منعـاج والايـام خازوقـهـا
لو لبسو ساقط الهرجـه ثيـاب المديـح
قلنـا سحابـة وبلـة يابـس حلوقـهـا
ياحادي الركب لا توده عليـه وتصيـح
ماعاد هـي سالفـة ليلـى ومعشوقهـا
مديت شوفي وشفت الكون رحب وفسيح
والارض حدر المواطي والسماء فوقها
مادام عين الرضا ماها همـاج وشحيـح
ابتبـع الغيمـة اللـي رفـة بروقـهـا
مدري عن المقبلة لكن عسـى الله يبيـح
اللي تهـز القلـوب وهزنـي شوقهـا
غنيت للحب ولسـان المحبـة فصيـح
والبدو سبـة غناهـا ضيقـة خلوقهـا
باكر يروح الشتاء والثلج قصره يسيـح
مايفضح الثلج غير الشمـس وشروقهـا

متعب التركي

تسلمي ريميه على الذوق ولانتقاء الرااائع والمميز

صح لسان شاعرها وسلمت يديك يالريميه

تقبلي مروري

غنيت للحب ولسـان المحبـة فصيـح
والبدو سبـة غناهـا ضيقـة خلوقهـا
باكر يروح الشتاء والثلج قصره يسيـح
مايفضح الثلج غير الشمـس وشروقهـا


[frame="7 50"]
بصراحه أبيات في قمة الروووعه والإبداااااع يسلموا
أختي ريمية
كلكـ ذوووق
وتقبلي تحياتي
وشكراً
[/frame]

لايقتلنا إلا الشوق الي الرجى

**ريميه**

نرتقب تلك الذائقه بستمرار
تطربنا وتحلق بنا في عالم الشجن

دمتي بسلام

**جروحي تنزف أحزاني**