الشاعر مساعد الرشيدي

السلام عليكم

ديوان الشاعر مساعد بن ربيع الرشيدي



حياة مساعد ربيع الرشيدي :

شاعر غني عن التعريف ولد في مدينة خيبر قضى اول فترات طفولته في الكويت ودرس في خميس مشيط .
انتهى من المرحله الثانويه بتفوق والتحق بكلية الحرس الوطني والتي تخرج منها بجداره عمل في مدينة الرياض .


ابتعث مساعد لمدة سنه الى أمريكا وهناك تذكر الوطن والاهل فكتب قصيدته المشهوره .

حزين من الشتاء والا حزين من الضماء ياطير ::: دخيل الريشتين اللي تضفك حل عن عيني

ثم عاد الى الوطن ليكتب قصيدته (الكنه )

عذب السجـايا وعــوده باول الكنه :: متى تزين السوالف واخذ علومه
وأسامحه عن خطاة الجرح والونه :: وأعاتبه لو يصد شوي وألومه


نبذه عن قصائد مساعد :

مساعد الرشيدي عرف بعزة النفس

ينجرح قلب لكن ترتفع هامه :: والله اني لموت ولا انحنى راسي
لو رماني زماني وسط دوامه :: العواصف شديده والجبل راسي

ورغم وجوده حاليا في مدينة الرياض الا انه لم ينسى معشوقته الجنوب

تذكرين الغلا والصيف والسوده :: لمة البرق والخلان والرعد
تذكرين القصـيد وسلهمــة سوده :: واحد كان ما مثله ولا واحد
الى ان قال
يكفي انك على ثنتين محسوده :: بنت عم السحاب وشاعرك خالد

وقد تغزل بعروس الشمال مدينة حائل
سلام ياحايل حبيبة طي..بنـت الخيـال
الليله انتي سيدة حرفي وانـا شاعـرك

قالوا انك ماكبرتـي ياعـروس الشمـال
باقي عروس..ويلمع البـرّاق بآسـاورك

لا..لاتقولي شّي عن سر البها والـدلال
إنتي خطاك الغيم حيّـي وانـا عـاذرك

الله عليك ليا تواضعتـي وقلتـي تعـال
والله على هيبة غرورك نوب ومكابـرك

كتب مساعد قصيده رائع عن والده .

يا أبوي لا يلحقك شك ولا ريب :: أنفض هجوسك وارفع الراس عالي

أنا شبابك لا غزا راسك الشيب :: وأنا عضيدك لو تجور الليــالي

أيوالله أبشر يارع الطيب بالطيب :: والله لأسدّك لويضيق المجالي

آمر وتحت أمرك تهون المطاليب :: إنخا وتلقاني قريبٍ موالي

أجيك كلّي ما خشيت المصاعيب :: لي طلبت تكفا يا يبه طاب فالي

إن عاش راسي يا عزيز المجاذيب ::لأشيل حملك لو يفوق احتمالي

واطفي ظماك إن حَثْرَبنَّ المشاريب :: وأسقيك من زندي قراحٍ زلالي

ولا يهمك يا كريم المواجيب :: يفداك حالي يا يبه والحلالي

أبشر وذيبك يا رفيع الشرف ذيب :: يا أبوي دام تشوفني لا تبالي

كما له في والدته رغم اني لا احفظ الا بيت واحد :

يمه كبرتي وصرتي احلى من العام :: يا حلو ضحكات التجاعيد بيدينك


فهو شاعر متألق و مرهف الحس ..

شاعر آسر ، يجيد توظيف المفردة في تناغم حسي موزون

مساعد شاعر كبير وغني عن التعريف وشهادتي فيه مجروحة


لاهنت اخوي على الطرح



تقبل مروري

شكرلك يابن نمش على طرح هذا الموضوع عن شاعر عبس

شكراً لك على طرح شخصية شاعرية متميزه استثانئية
غنية عن التعريف

الشاعر مساعد الرشيدي شاعر كبير غني عن التعريف

اسعـــــــدني مروركـــــــــــــم في متصفحـــي...

ابن نمش
لك جزيل الشكر على طرح هذا الموضوع اللذي يستعرض شخصيه كبيره كشخصية الشاعر مساعد الرشيدي