لليل ميعاده وللشمس مطلاع<حجاج المهيمزي>

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انقل اليكم جديدي المتواضع وامل ان يحووز على رضاكم
ياللي عن العالم قطعت اتصالك=لاتحسب اني للمواصيل قطاع
انا اتصل بك وانشدك كيف حالك=لو ان ردك مايصل سمعي بساع
غلاك عندي لو تقفي رحالك=يجبرني انشد عنك واعرف الاوضاع
مانت برخيص ومرخصٍ فيك هالك=اغلى علي من النواظر والاسماع
وشلون ابا حصل رفيقٍ بدالك= من كل الاشكال الكثيره والانواع
لو ان مااكنّ لك يخطر ببالك=والله ماتقفي وبالنفس مرماع
واالله لو تدري بوضعي حيالك=انك لترخص من غلاوتك الادماع
ولو ان ماجاني بغيبتك جالك=لتعرف وش معنى التوجد والاوجاع
مير احمد الله يوم شفت اتصالك=لليل ميعاده وللشمس مطلاع
[/poem]

مير أحمدالله يوم شفت أتصالك * لليل ميعاده واللشمس مطلاع
قصيده جميله وبيت أجمل
صح لسانك حجاج وهذا البيت ثمين عندي لاتنسانا من جديدك

اقتباس:
المشاركة الأصلية كتبت بواسطة البحرالهادي
مير أحمدالله يوم شفت أتصالك * لليل ميعاده واللشمس مطلاع
قصيده جميله وبيت أجمل
صح لسانك حجاج وهذا البيت ثمين عندي لاتنسانا من جديدك



صح بدنك ومروورك جميل

حجاج
صح السانك واعتلى شانك
قصيده جزله من شاعر جزل

حجاج صح الله لسااانك ولاخاب وجداانك

قصيدة راقيه براقي شاعرها

ومفردات عذبه يسلم منطووقك

ولك تحياتي

جميل يا حجاج

اكتشفت وجهه جديدة للابداع في هذا الصرح
الشامخ المتميز


شكرا لك على كل شيء هنا

صح لسانك على هذه القصيده